"ერთიანი საქართველო-დემოკრატიული მოძრაობის" ლიდერი ნინო ბურჯანაძე მოსკოვში შეხვედრებს განაგრძობს.

დღეს ნინო ბურჯანაძე რუსეთის პარლამენტის ზედა პალატის საგარეო ურთიერთობათა კომიტეტის თავმჯდომარეს კონსტანტინე კოსაჩოვს შეხვდა. ნინო ბურჯანაძემ პირველ რიგში აქცენტი ექიმ ცაჟა გაფრინდაშვილის საკითხზე გააკეთა და აღნიშნა, რომ ექიმი ძალიან მალე უნდა დაუბრუნდეს საკუთარ ოჯახს.

შეხვედრაზე მათ ასევე განიხილეს ჰუმანიტარული საკითხები , მათ შორის ორ ქვეყანას შირის ავიამიმოსვლის აღდგენის პერსპექტივა და ასევე რუსეთ- საქართველოს ურთიერთობების სამომავლო ხედვები, კერძოდ კონფლიქტის დარეგულირების მიმართულებით.

საქართველოში არსებულ მძიმე პოლიტიკურ კრიზისთან დაკავშირებით, კონსტანტინე კოსაჩოვმა კიდევ ერთხელ გაუსვა ხაზი რომ ეს საქართველოს შიდა საქმეა და არავითარ შემთხვევაში რუსეთი არანაირი ფორმით ამ საკითხში ჩარევას არ განიხილავს.