პრემიერმინისტრი გიორგი გახარია მთავრობის ადმინისტრაციაში კლინიკების წარმომადგენლებს დახურულ კარს მიღმა ხვდება.

შეხვედრამდე კლინიკების წარმომადგენლებმა აღნიშნეს, რომ ისინი პრემიერს მინიმუმ ექვსი თვით შეჩერდეს 520-ე დადგენილების შეჩერებას მოთხოვენ რათა კლინიკების ხარჯები დაანგარიშდეს., რათა უკეთ მოხდეს ტარიფების დაანგარიშება.

„520-ე დადგენილება, რომელიც, ჩვენი აზრით, მოუმზადებლად და გაუთვლელად იქნა მიღებული, როგორც მინიმუმ შეჩერდეს, სანამ არ იქნება მიღწეული კონსენსუსი იმ გაუაზრებელ ტარიფებთან დაკავშირებით, რომლებიც არ გვაძლევს საშუალებას, ელემენტარული პროცედურები ჩავატაროთ ხარისხიანად. ტარიფების დაკორექტირებაზე თანახმა ვართ, არ ვართ წინააღმდეგნი, რომ მოხდეს ტარიფების გათანაბრება, მაგრამ ეს უნდა იყოს კარგად დათვლილი, დაანგარიშებული, შეთანხმებული პროფესიულ საზოგადოებასთან, კლინიკებთან. გარდა ამისა, ეს არ არის ის პირველი ნაბიჯი, რითაც უნდა დაწყებულიყო რეფორმის გატარება. ჯერ უნდა ყოფილიყო მინიმალური სტანდარტების დადგენა, შემდეგ სელექტიური კონტრაქტირება და მხოლოდ ამის შემდეგ ტარიფების დადგენა" - აღნიშნა ხეჩინაშვილის საუნივერსიტეტო კლინიკისა და ინტერვენციული კარდიოლოგიის საზოგადოების წარმომადგენლმა, შალვა რცხილაძემ.

520-ე დადგენილების მიხედვით, საყოველთაო ჯანდაცვის პროგრამის მონაწილე კლინიკებისთვის კარდიოლოგიისა და რეანიმაციის სერვისებზე ტარიფები გათანაბრდა.