IRI-ს პრეზიდენტი: ხელისუფლების თავდასხმები ამერიკულ არასამთავრობოებზე რუსეთში ან ჩინეთში ხდება

პოლიტიკა - 23:10, 03 Dec, 2019

1301

IRI-ს პრეზიდენტი დენიელ ტვაინინგი “ამერიკის ხმისთვის” მიცემულ ინტერვიუში ამბობს, რომ საქართვცელოში დემოკრატიაა და არ მოელის მის მიმართ სანქციების დაწესებას თუნდაც ბიძინა ივანიშვილის მხრიდან ამერიკულ არასამთავრობო ორგანიზაციებზე (IRI და NDI) თავდასხმის გამო (გასულ კვირას ბიძინა ივანიშვილმა განაცხადა, რომ ამ ორგანიზაციებს "ნაცები მართავენ",-რედ.).

თუმცა, ტვაინინგი გაოცებას ვერ მალავს მმართველი პარტიის თავმჯდომარის განცხადებების გამო და საქართველოს საერთაშორისო იმიჯისთვის არცთუ სასიამოვნო პარალელს ავლებს, ამბობს რა, რომ მსგავსი შემთხვევები რუსეთსა და ჩინეთში ხდება, სადაც "მთავრობა არჩეული არ არის":
"...ის მიკვირს, რომ ამ კონტექსტში საქართველოზეც ვსაუბრობთ. მსგავსი კამპანიები ძირითადად კრემლიდანაა წამოსული, იმის გამო, რომ პუტინი ვერ ახერხებს დემოკრატიულ მმართველობას. კამპანია, რომელსაც ვხედავთ პროდემოკრატიული ორგანიზაციების წინააღმდეგ, მოდის კრემლიდან, ჩინეთის კომუნისტური პარტიიდან…
მაგალითად, ჩინეთის ლიდერებმა, რომლებიც არ არიან არჩეული, ვერ გააანალიზეს ის, რომ ორი მილიონი ადამიანი გამოვიდა მათ წინააღმდეგ ჰონგ-კონგში. როცა მთავრობა ამერიკულ არასამთავრობოებს ესხმის თავს, ეს როგორც წესი რუსეთში ან ჩინეთში ხდება, სადაც არ არსებობს პოლიტიკური თავისუფლება და დემოკრატიული პრაქტიკა. გასაკვირია ის, რომ ეს დემოკრატიაში ხდება”, – აცხადებს ტვაინინგი "ამერიკის ხმასთან" ინტერვიუში.