სახალხო დამცველი ნინო ლომჯარია თბილისსა და მცხეთაში მომხდარი დაპირისპირებების მონაწილეთა სწრაფად იდენტიფიცირებას და რეაგირებას მოითხოვს.

"სადაც მოხდა ფიზიკური ძალადობა, ანგარიშსწორება, განურჩევლად იმისა ვინ ჩაიდინა და რომელმა მხარემ, უნდა დაიწყოს გამოძიება, იდენტიფიცირებულნი უნდა იყვნენ ეს ადამიანები. გუშინ ვნახე, როგორ უსწორდებოდნენ აქტივისტებს ფიზიკურად და ძალიან დროულად უნდა მოხდეს მათი იდენტიფიცირება და პასუხისგებაში მიცემა" - აღნიშნა ომბუდსმენმა.