დაპირისპირება "ქართული ოცნების" ცენტრალურ ოფისთან - სამოქალაქო აქტივისტების განცხადებით, "ოცნების" მხარდამჭერებთან მომხდარი დაპირისპირებისას, რა დროსაც მათ პარტიის მხარდამჭერები ფიზიკურად დაუპირისპირდნენ, 5 პირი დაშავდა. "სირცხვილიას" წევრების ამბობენ, რომ აგრესიული პირები მათ ესვრიან პიროტექნიკას, მათი თქმით შუშხუნა ერთ-ერთ აქტივისტს თვალში მოხვდა.

ადგილზე მობილიზებულია პოლიცია და სასწრაფო სამედიცინო დახმარების ბრიგადა. რამდენიმე დაზარალებული ადგილიდან გაიყვანეს. პოლიციას აგრესიული პირები ადგილიდან გაჰყავს, თუმცა ჯერ არავინ დაუკავებია. აქტივისტები მოუწოდებენ პოლიციას, რომ დააკავონ ეს პირები.

ცნობისთვის, დღეს, "ოცნების" ოფისთან მოძრაობა "შეცვალესა" და "სირცხვილიას" აქტივისტების აქციის პარალელურად, მმართველი გუნდის მხარდამჭერები მივიდნენ. თავდაპირველად ისინი აცხადებდნენ, რომ ორბელიანის მოედანზე მიდიოდნენ, სადაც ევროსაბჭოს თავმჯდომარედ საქართველოს არჩევასთან დაკავშირებით გამართულ ღონისძიებას უნდა დასწრებოდნენ, თუმცა ისინი არსად წასულან და აქციის მონაწილეებს რამდენჯერმე ფიზიკურად და სიტყვიერად დაუპირისპირდნენ.