ხაზარაძემ ივანიშვილს მოსკოვის მიმართულებით ბილეთი უყიდა

პოლიტიკა - 12:46, 02 Dec, 2019

1122

საზოგადოებრივი მოძრაობა „ლელოს“ დამფუძნებელმა, მამუკა ხაზარაძემ ბიძინა ივანიშვილს მოსკოვის მიმართულებით ბილეათი უყიდა და ქვეყნის დატოვება ურჩია.
"ბიძინა ივანიშვილს ვუყიდე ბილეთი, თბილისი-მოსკოვის მიმართულებაზე. ეს არის ბიზნესკლასი, იმიტომ, რომ შეჩვეულია კარგ ცხოვრებას და შეუძლია დატოვოს ჩვენი ქვეყანა"- თქვა ხაზარაძემ თბილისის საქალაქო სასამართლოში, სადაც მისი სასამართლო პროცესი მიმდინარეობს.

ხაზარაძის განცხადებით, ქვეყანაში მას შემდეგ დაადგება განვითარების გზას, როცა ბიძინა ივანიშვილი ქვეყანას დატოვებს.

„ჩვენ რამდენიმე დღის წინ მოვისმინეთ ივანიშვილის უსირცხვილო განცხადება და დამოკიდებულება ქართველი ხალხის მიმართ, როდესაც მან თქვა, რომ ბიუჯეტის ხარჯზე დააფინანსებს 35 ევროიან ბილეთებს ქუთაისის აეროპორტიდან და მოსახლეობას, იმ ადამიანებს, ვისაც ასე ძალიან სჭირდება სამუშაო ადგილი, ნორმალური, ღირსეული ცხოვრება ჩვენ ქვეყანაში, გაუშვებს სხვა ქვეყანაში და დაეხმარება ჩვენს ისედაც დემოგრაფიულად კლებად ერს, ისედაც ძალიან მძიმე სოციალურ მდგომარეობაში მყოფ მოსახლეობას უცხოეთში დასაქმებაში. ამას აკეთებს ჩვენი ბიუჯეტით, ჩვენი გადასახადებით და პრაქტიკულად ჩვენს მოსახლეობას ეუბნება - საქართველო ქართველების გარეშე.