დაზიანებული კულტურული მემკვიდრეობის ძეგლი და თავდასხმა ოპოზიციაზე - გიორგი ვაშაძე ხელისუფლებას მოუწოდებს, პასუხი აგებინოს დამნაშავე პირებს

პოლიტიკა - 15:42, 01 Dec, 2019

1098

ქუთაისში გაერთიანებული ოპოზიციის ოფისზე თავდასხმის დროს, ქართული ოცნების მხარდამჭერებმა კულტურული მემკვიდრეობის ძეგლი დააზიანეს, რომელიც სისხლის სამართლის დანაშაულია.

აღნიშნლ ფაქტს გამოეხმაურა დღეს გაერთიანებული ოპოზიციის ერთ-ერთი ლიდერი გიორგი ვაშაძე, რომელმაც პოლიცია შერჩევით სამართალში დაადანაშაულა და მოუწოდა მათ დროულად იქნეს დაპატიმერებული ამ ვანდალური ქმედების ჩამდენი პირები.

„პოლიციის კორდონით გადაადგილდებოდა ვანდალიზმში მხილებული პირი, რომელიც თავს დაესხა ქუთაისში გაერთანებული ოპოზიციის ოფისს და ჩვენ აქ გვაქვს კადრები თუ როგორ აზიანებენ კულტურული მემკვიდრეობის ძეგლს, რომელიც სისხლის სამართლის კოდექსი 239-ე მუხლის მეორე ნაწილის მიხედვით არის დანაშაული.

მათ საღებავებით დააზიანეს ეს ძეგლი და ისინი არიან საჯარო მოხელეები, დანარჩენი გახლდათ ხალხი, რომელიც ძალით მიიყვანეს. პოლიცია ცდილობს შეუქმნას ყველანაირი კომფორტი ამ ადამიანებს, რომ დანაშაული ჩაიდინონ.

ჩვენ გვაქვს მშვიდობიანი პროცესი და ისინი არიან მოძალადეები, რომლებიც ანადგურებენ ქვეყანას და ქვეყნის კულტურრას.

ეს რომ ჩაედინა ოპოზიციის რომელიმე მხარდაჭერს, წარმოიდგინეთ, რამდენი ადამიანი იქნებოდა დაკავებული. ჩვენი მხრიდან კი სრულიად უდანაშაულო ადამიანები არიან დაპატიმრებული, მათ შორის ლაშა ჩხარტიშვილი, რომელიც იმის გამოა დაჭერილი, რომ "ოცნების" წევრებს ლობიოს მარცვლები მიუტანა.

პირობას გაძლევთ ჩავალთ ქუთაისში და ნახავთ რამდენი ვართ და ნახავთ, როგორ ამოუვიდათ თქვენი უკანონობა ხალხს ყელში" - განაცხადა ვაშაძემ.

მან ასევე სამართალდამცავ უწყებებს მიამრთა, რათა დროულად დადგინდეს დანაშულის ჩამდენი პირები და დაისაჯოს კანონის მიხედვით.