„ჩვენ გვაქონდა მსჯელობა გერმანულ მოდელთან დაკავშირებით. დიდი ხანი გაგრძელდა დისკუსია, ყველამ დაინახა რეალურად ამ დისკუსიის განმავლობაში, რომ გერმანული მოდელი არის ცხადად წინააღმდეგობაში საქართველოს კონსტიტუციასთან. ეს იყო აბსოლუტურად ნათელი"- ამის შესახებ განცხადება ჟურნალისტებტან საპარლამენტო უმრავლესობის წევრმა, ირაკლი კობახიძემ საარჩევნო სისტემებთან დაკავშირებულ საკითხებზე მმართველი პარტიის და საპარლამენტო და არასაპარლამენტო ოპოზიციური პარტიების წარმომადგენლების შეხვედრის დასრულების შემდეგ გააკეთა.

ირაკლი კობახიძის განცხადებით, რაიმე ტიპის საკონსტიტუციო ცვლილებების განხორციელება არარეალისტურია და მისი განხორციელების რესურსი არ არსებობს.

„რაც შეეხება სკონსტიტუციო ცვლილებებს, ამის თეორიულ შესაძლებლობას. ჩვენი მხრიდან აღინიშნა, რომ საკონსტიტუციო ცვლილების განხორციელების რესურსი არ არსებობს და პრინციპში ეს თქვეს ოპოზიციის გარკვეულმა წარმომადგენლებმაც,შესაბამისად, ოპოზიცია გადაერთო გარკვეულ იდეებზე, ოღონდ ეს არ იყო წინადადება, ეს იყო იდეები, რომელიც ერთანეთთანაც არ ჰქონდათ შეთანხმებული",-განაცხადა ირაკლი კობახიძემ.

პარლამენტის ყოფილმა თავმჯდომარემ გუშინ, ქუთაისში "ქართული ოცნების" და "ერთიანი ნაციონალური მოძრაობის" წევრებს შორის დაპირისპირებაზე გააკეთა კომენტარი.

"მილევად რეჟიმშია მათი დესტრუქცია და ზოგადად, ეს პოლიტიკური ძალა. რაც მეტად დავაიგნორებთ "ნაციონალურ მოძრაობას" მით მალე მიილევიან" - აღნიშნა კობახიძემ.