"შენების მოძრაობის" ლიდერი დავით უსუფაშვილი ოპოზიციისა და ხელისუფლების შეხვედრას პოლიტიკური გამოსავლის ძიებად აფასებს.

მისი თქმით, ჩარაზული კარი, რომელიც ხელისუფლებას ამ თემასთან დაკავშირებით აქვს იხსნება და არ მისცემენ ისინი საშუალებას მმართველმა გუნდმა კარი ისევ დაკეტოს.

"ასეთი მასშტაბის პრობლემები ერთ დღეში და ერთი შეხვედრით ვერ წყდება. მთავარი ისაა, რომ ჩვენ ხელისუფლებას კიდევ ერთხელ კარგად ავუხსნათ, ასეთ მდგომარეობაში მყოფი ქვეყანა არჩევნებზე არ შეიძლება გავიდეს, რადგან ყველანი ერთად ჩავიჩეხებით ასეთი დაპირისპირების ფონზე სწორედ საარჩევნო სისტემასთან დაკავშირებით. გამოსავალზე უნდა შევჯერდეთ და ამის მერე, უნდა გადავიდეთ ფორმაზე, კონკრეტულად რომელ მუხლში რა ცვლილებაა შესატანი. ხელისუფლება აცხადებდა, რომ დახურულია თემა, ჩარაზულია კარები, არაფერი შეიცვლება. დღევანდელი შეხვედრით ეს კარი იხსნება და ჩვენ ხელისუფლებას არ მივცემთ საშუალებას, ეს კარი დაკეტოს მალევე. ეს სჭირდება ქვეყანას, საზოგადოებას და ჩვენ, ოპოზიციური პარტიების წარმომადგენლები მოვიქცევით ძალიან მაღალი პრინციპულობისა და პასუხისმგებლობის განცდით" - აღნიშნა დავით უსუფაშვილმა.