"ჩვენ გამოსავალს ვთავაზობთ ხელისუფლებას, კობახიძე კი კონსტიტუციას ისე კითხულობს, როგორც უნდა"- ბესელია

პოლიტიკა - 16:38, 29 Nov, 2019

700

დამოუკიდებელმა დეპუტატმა ეკა ბესელიამ მედიასთან იმ ახალ საარჩევნო მოდელთან დაკავშირებით ისაუბრა, რომელსაც ოპოზიციური პარტიები ხელისუფლებას სთავაზობენ.
დეპუტატის განცხადებით, ოპოზიციის მიერ შეთავაზებულ პროექტში სწორედ მანდატების განაწილების წესის შეცვლაზეა საუბარი, როგორც ეს კონსტიტუციაში წერია.
მისივე განმარტებით, ოპოზიციის მიერ შეთავაზებული მოდელი არის გამოსავალი და მას არ სჭირდება კონსტიტუციური ცვლილება.

„ჩვენ გერმანიაში არ ვატარებთ არჩევნებს, ვატარებთ საქართველოში, ამიტომ ეს სრულიად თავსებადია საქართველოს კონსტიტუციასთან. შესაძლებელია მანდატების განაწილების წესი შეიცვალოს და დადგინდეს სხვა წესი. თუ სიჯიუტეს თავს დაანებებს მთავრობა, დაინახავს, რომ ეს შესაძლებელია. თუ ყველაფერზე უნდა თქვას, რომ არ მინდა, მაშინ „შეაყარე კედელს ცერცვი“"- თქვა დეპუტატმა.

და ხელსიუფლების ოპონენტების მიერ შეთავაზებულ კანონპროექტზე კიდევ ერთხელ გაამახვილა ყურადღება.

ამასთან მანვე პარლამენტის ყოფილი თავმჯდომარე ირაკლი კობახიძე გააკრიტიკა.

კანონში შესატან ცვლილებებს ვთავაზობთ, რომელიც გერმანული მოდელის პრინციპს ეფუძნება, მაგრამ არის მოდიფიცირებული და სრულიად თავსებადია საქართველოს კონსტიტუციასთან. მხოლოდ იცვლება პროპორციული მანდატის განაწილების წესი, რაოდენობა იგივე რჩება, მაგრამ მანდატების სამართლიანი განაწილების პრინციპით დავაზღვევთ იმ რისკებს, რომელიც შეიძლება მოჰყვეს თუ ამ სისტემით ჩატარდება არჩევნები.

ნურავინ ჩათვლის, რომ კობახიძე სწორად კითხულობს კონსტიტუციას, ნამდვილად არ კითხულობს სწორად ისე კითხულობს, როგორც უნდა,-აცხადებს ბესელია.