„ნაციონალური მოძრაობის“ ერთ-ერთმა ლიდერმა გრიგოლ ვაშაძემ მედიის წარმომადგენლებს მის მიერ გამოთქმული არაკორექტული რეპლიკის გამო ბოდიში მოუხადა.

ვაშაძის თქმით, მას გადასცეს მედიის წარმომადგენლების წყენის შესახებ და საარჩევნო სისტემის შესახებ დასმული კითხვის პასუხამდე სწორედ აქციების დროს მომხდარ ინცინდენტზე გააკეთა განცხადება.

"ადამიანურად, გულწრფელად გიხდით ბოდიშს. ორწლინახევრის სტრესმა ეტყობა ჩემი ნერვების პატრონსაც კი დაამჩნია თავისი დაღი. ამიტომ, გულწრფელად გიხდით ბოდიშს. მესმის, ეს თავის გასამართლებელი არგუმენტი არ არის, ბოდიშს გიხდით და მეორე, ვინმეს რომ ტელეფონი აგეღოთ და დაგერეკათ, შუამავლების გარეშე, ესეც კარგი იქნებოდა“, - განაცხადა გრიგოლ ვაშაძემ.