"დიალოგი მისაღებია თუმცა, ხელისუფლებამ უნდა გაითავისოს, რომ ელაპარაკება არა ოპოზიციის არამედ მოსახლეობას"

"დიალოგი მისაღებია თუმცა, ხელისუფლებამ უნდა გაითავისოს, რომ ელაპარაკება არა ოპოზიციის არამედ მოსახლეობას" - გრიგოლ ვაშაძე

პოლიტიკა - 15:21, 29 Nov, 2019

879

ხელისუფლებასა და ოპოზიციას შორის ხვალ შეხვედრა გაიმართება, რომელსაც დიპლომატიური კორპუსიც დაეწრება. შეხვედრის განხილვის მთავარი საკითხი არჩევნების „გერმანული მოდელი“ იქნება.

ხვალინდელ შეხვედრას მიესალმება "ერთიანი ნაციონალური მოძრაობის" ერთ-ერთი ლიდერი გრიგოლ ვაშაძე და მოუწოდებს ხელისუფლებას, რომ გაითავისონ ისინი ელაპრაკებიან საზოგადოებას და არა ოპოზიციას.

"ჯერ არც ფორმატი ვიცით, არც მონაწილეები ვიცით. მეორე, არცერთს ამ ოთახში მყოფს არ აქვს არც თავისი პარტიის მანდატი და არც მთლიანად ოპოზიციური ფრონტის მანდატი, მესამე - დიალოგი შესანიშნავია, მაგრამ დიალოგი თუ იქნება დიალოგისთვის, მაშინ ეს ჩემთვის ყოვლად მიუღებელია, იმიტომ რომ ხელისუფლებამ ერთი რამ კარგად უნდა გაითავისოს ელაპარაკება არა ოპოზიციურ პარტიებს, არამედ საქართველოს მოქალაქეებს. ეს არ არის მხოლოდ ჩვენი მოთხოვნა, ეს არის მთელი საზოგადოების მოთხოვნა, გამჭვირვალე, პატიოსანი, თანასწორი არჩევნები და ეუთო- ოდირის მოთხოვნები, რომელიც 27 რეკომენდაციისგან შედგება და რომელიც უპირობად უნდა შესრულდეს ეს საქართველოს ხელისუფლების კეთილი ნება კი არ არის, როგორც ზოგიერთს ჰქონია, ეს არის საქართველოს საერთაშორისო სამართლებრივი ვალდებულება. რაც შეეხება დიალოგს, მე ჩემ პირად აზრს გეუბნებით და არა პარტიისას, დიალოგს აუცილებლად უნდა დავთანხმდეთ, მითუმეტეს, როდესაც ინიცირებულია ჩვენი სტრატეგიული მოკავშირის, ევროკავშირის მიერ და დანარჩენს უკვე ადგილზე ვნახავთ, თუმცა რჩევა მინდა მივცე, არავინ არასდროს არ შედის მოლაპარაკებებში თუ მისი წარმატება უნდა, ხისტი მიუღებელი პოზიციების დაფიქსირებით" - აღნიშნა ვაშაძემ.