"ევროპული საქართველოს“ ლიდერი გიგა ბოკერია აცხადებს, რომ "ქართული ოცნების" დღეები დათვლილია.

ბოკერიამ დღეს შინაგან საქმეთა მინისტრს უპასუხა და თქვა, რომ ოპოზიცია ბევრად მეტს გაუძლებს ვიდრე ეს შს მინისტრს წარმოუდგენია.

„შს მინისტრსმა თქვა, რომ დაიღალნენ პოლიციელებიო და მესმის, ამ უკანონო და სამარცხვინო ბრძანებების შესრულებით დაიღალნენ და ნუ აძლევენ მაშინ ამ ბრძანებებს. ნუ ღლიან ამ ხალხს და იმ საქმეზე მიმართონ, რაც ქვეყანას სჭირდება, კრიმინალზე და ქვეყნის დაცვაზე. შს მინისტრმა თქვა, ძალიან მაგარი ფრაზა, სამი-ოთხი თვე გავუძლებთო, მე მაგასაც ვეჭვობ, რომ სამი-ოთხი თვე გაუძლებენ, მაგრამ ჩვენ ბევრად მეტს გავუძლებთ. რატომ წელავენ ამ სამ-ოთხ თვეს? დღესვე დაამთავრონ ეს ამბავი ჯობია“,- განაცხადა ბოკერიამ.

ცნობისთვის, პარლამენტთან, აქციის მონაწილეების მხრიდან პიკეტირება დასრულდა, თუმცა, როგორც აქციის მონაწილეებმა განაცხადეს, პროტესტი მომდევნო დღეებშიც გაგრძელდება.