„ესენი ვინ არიან ქუჩაში რომ დგანან და რამეს ითხოვენ“

„ესენი ვინ არიან ქუჩაში რომ დგანან და რამეს ითხოვენ“ - ბიძინა ივანიშვილი

პოლიტიკა - 22:19, 27 Nov, 2019

1365

ბიძინა ივანიშვილი ამბობს, რომ ნაციონალურ მოძრაობას არ აქვს უფლება სამართლიანობაზე ილაპარაკოს.

მისი თქმით, ქართულმა ოცნებამ მიიღო ევროპული კონსტიტუცია, რომელსაც ოპოზიცია მხარს არ უჭერდა. ივანიშვილის თქმით, გუნდი განიცდის პროპორციული სისტემის ჩავარდნას, მაგრამ მისი თქმით „ზოგი ჭირი მარგებელია და აქედან დასკვნები უნდა გავაკეთოთ და განვაგრძოთ ქვეყნის განვითარება“.

„ესენი ვინ არიან, ქუჩაში რომ დგანან და რამეს ითხოვენ, რა უფლებით ითხოვენ. თქვენთან იჯდა ერთი ოპოზიციური პარტიის თავმჯდომარე, გვარს და სახელს არ ვიტყვი...
კოალიციაში რომ იყო ჩემთან ჰქონდა საუბარი, მაშინ არც დაუწყია პროცედურა, დაეწყო, ვინ უშლიდა? ერთ კაცზე მორგებული კონსიტუტციის ნაცვლად როგორი კონსტიტუცია მივიღეთ ნახეთ: მივიღეთ ევროპული, და იქ რომ არიან შეკრებილი, მაშინ ბოიკოტი გამოუცხადეს. დღესაც დგანან ბოიკოტითვის. სამართლიანი არჩევნები გვინდაო, ამდენ ხანს, სანამ ჩვენ მოვიდოდით და საკუთარი ხმებით მივიღეთ საკონსტიტუციო უმრავლესობა და ასე მივიღეთ ახალი კონსტიტუცია და შევცვალეთ ის, რასაც პოლიტიკური სპექტრი ათწლეულობით ითხოვს, დავაკმაყოფლეთ მოთხოვნა.

სისტემას რომ აკრიტიკებენ, ჩვენ შემთხვევაში სწორია პროპორციული რომ საზოგადოებაში რომ არის განცდა და დაჟინებით ითხოვენ, რა თქმა უნდა განვიცდი და გუნდშიც განიცდიან, ჩვენ არ დავარღვევთ სიტყვას და არჩევნებში შეგვიძლია 60% თავისულად მივიღოთ. კოალიციაც შეგვიძლია ჩამოვაყალიბოთ. სამართლიანი კითხვაა, ვისთან უნდა გააკეთო კოალიცია? ძალიან მიყვარს გამონათქვამი, ზოგი ჭირი მარგებელია, აქედან უნდა გავაკეთოთ დასკვნები და გავაგრძელოთ ქვეყნის სტაბილური განვითარება,“ - განაცხადა ივანიშვილმა.