გუბაზ სანიკიძემ პრესკონფერენაცია გამართა, სადაც მიხეილ სააკაშვილთან მისი და ვალერი გელბახიანის შეხვედრაზე ისაუბრა.

მისი თქმით, სააკაშვილი ყველაზე გავლენიანი პოლიტიკოსია საქართველოს შიგნით და მის ფარგლებს გარეთ.

ჟურნალისტის კითხვაზე, რომ ყოფილი პრეზიდენტი მას ჯალათს და აგენტს ეძახდა, რაზეც სანიკიძემ ხუმრობით უპასუხა: "აგენტს როდის მეძახდა? თავგასიებულს მეძახდა".

"მიხეილ სააკაშვილი მოგვწონს თუ არა, ის ჩემი შეფასებით, არის ყველაზე გავლენიანი პოლიტიკოსი საქართველოში და მის ფარგლებს გარეთ. მას აქვს ძალიან დიდი პიროვნული რესურსი, ამიტომ ჩავთავალე, რომ ის ნარატივი, რომელსაც 7 წელია ნერგავს ბიძინა ივანიშვილი, რომ სააკაშვილი არ უნდა მობრუნდეს, "ნაცები" თუ მობრუნდნენ, მეორედ მოსვლა დაიწყება და საქართველოს დაესხმება ყველა მეზობელი, ეს ამაზრზენი და ამორალურიცაა" - აღნიშნა გუბაზ სანიკიძემ.