საქალაქო სასამართლოში 20 ივნისის საქმეზე დაკავებულების საქმის განხილვა მიმდინარეობს. ერთ-ერთი დაკავებულის ზურაბ ბუდაღაშვილის თქმით, მასთან საკანში სამოქალაქო ფორმაში გადაცმული ძალოვანი პირები მივიდნენ და უთხრეს, რომ თუ ხელს არ დაადებდა ნიკა მელიას, ირაკლი ოქრუაშვილს და გიგი უგულავას მის ოჯახს პრობლემები შეექმნებოდა. ამ შეხვედრიდან რამდენიმე დღის შემდეგ კი, მისი ძმა დააკავეს.

"ბრალდების მხარეს, როგორც ჩვევია, სისხლის სამართლის საქმეზე წარმოადგენს მოწმეებს, რომლებსაც პრინციპში არანაირი შემხებლობა უშუალოდ ჩემი დაცვის ქვეშ მყოფის ბრალეულობასთან არ აქვს. მოვისმენთ ეს ფორმალობაა და დავკითხავთ იმ გარემოებების შესახებ რაც არის ცნობილი მაგრამ, ისინი ვერ დაადასტურებენ ვერაფერს" - აღნიშნა ადვოკატმა ვახტანგ იაშვილმა.