საპატრულო პოლიციის უფროსი, ვაჟა სირაძე აცხადებს, რომ 25 ნოემბრის აქციის დაშლისას პოლიციას სპეციალური საშუალებები, მათ შორის წყლის ჭავლი არ მოუყენებია:

"გუშინ დაიწყო საპროტესტო აქცია და გადაიზარდა კანონდარღვევაში, ვინაიდან გაკრვეულმა ოპოზიციის წარმომადგენლებმა მოახდინეს საკანონმდებლო ორგანოს შესასვლელების პიკეტირება. მათ მიეცათ გონივრული ვადა, რაზეც არ დაემორჩილნენ პოლიციის მოთხოვნას. შესაბამისად, პოლიციური ძალები გამოვიდნენ და აღნიშნული პირები ჩამოიყვანეს რუსთაველის გამზირზე. ყოველგვარი ძალადობის და სპეციალური საშუალების გამოყენების გარეშე, მათ შორის წყლის." - აცხადებს სირაძე.

ცნობისთვის, ხელისუფლებამ საპროტესტო აქცია 05:00 საათზე სპეციალური დანიშნულების რაზმის გამოყენებით დაშალა. "რადიო თავისუფლების" მიერ გავრცელებულ კადრებში კარგად ჩანს, რომ სპეცრაზმელებმა მოქალაქეების წინააღმდეგ წყლის ჭავლი გამოიყენეს. ერთ-ერთ მოქალაქეს, ზაზა ლიპარტელიანს წყლის ჭავლმა თვალი დაუზიანა.