"სახლი რომ იწვოდეს, ენმ-ს მიწოდებულ წყალს არ გამოიყენებს?"

"სახლი რომ იწვოდეს, ენმ-ს მიწოდებულ წყალს არ გამოიყენებს?" - ბურჯანაძე გოგიჩაიშვილზე

პოლიტიკა - 14:04, 26 Nov, 2019

1235

"ერთიანი საქართველოს" ლიდერი ნინო ბურჯანაძე ლევან გოგიჩაიშვილს მიმართავს და აცხადებს, რომ „ახლა არ არის განსხვავებული მოსაზრებების გაღრმავების დრო ოპოზიციაში“. ბურჯანაძე გოგიჩაიშვილის საპასუხოდ აღნიშნავს, რომ პარლამენტთან ქუჩაში აქციაზე არა მხოლოდ „ნაციონალური მოძრაობა“, არამედ სხვა პარტიებიც დგანან.

„მინდა ლევანს ვკითხო: სახლი რომ იწვებოდეს და „ნაციონალურმა მოძრაობამ“ წყალი მიაწოდოს, არ გამოიყენებს? ან ბავშვი რომ ცუდად იყოს და „ნაციონალურმა მოძრაობამ“ წამალი მიიტანოს.

არ შეიძლება ასე. მე მახსოვს 26 მაისი, როდესაც „ბურჯანაძე დგას ქუჩაში და არ დავდგები მის გვერდითო“, ასეთი პოზიციის გამო არ გამოვიდნენ ადამიანები ქუჩაში, რომლებიც სააკაშვილისადმი ძალიან ნეგატიურად იყვნენ განწყობილები. სწორედ ამან მოახერხებინა სააკაშვილს მიტინგის დარბევა და შემდეგ 1 წლით ძალაუფლების გახანგრძილება“- განაცხადა ბურჯანაძემ.

ლევან გოგიჩაიშვილმა განაცხადა, რომ ბოლო დღეების განმავლობაში ხედავს „ნაციონალური მოძრაობის“ ორგანიზებულ მიტინგს, რომლის გზასაც, პარლამენტის პიკეტირებაა, რასაც არ ეთანხმება.

მისი თქმით, არც „ქართული ოცნების“ და არც „ნაციონალური მოძრაობის“ დღის წესრიგით არ აპირებს მუშაობის გაგრძელებას.