დავით ბაქრაძე: ბოლო 30 წლის ისტორია იძლევა პასუხს, როგორ ამთავრებს ხელისუფლება, ვინც ხალხს ყვითელი ავტობუსების უკან ემალება

პოლიტიკა - 12:27, 26 Nov, 2019

690

დავით ბაქრაძის განცხადებით, პოლიტიკური კრიზისი საქართველოში ხელისუფლების შექმნილია და ეს მისი არჩევანია. მისივე თქმით, ხელისუფლებამ უნდა გაიაზროს შექმნილი მდგომარეობის სიმძიმე.
"მთელი ჩვენი ბოლო 30-წლიანი ისტორია გვასწავლის, რომ როცა ხელისუფლება ემალება ყვითელი ავტობუსების უკან ხალხს და იწყებს მასთან ძალის ენაზე, სპეცრაზმის და რობოკოპების ენაზე საუბარს, ეს მთავრდება ძალიან ცუდად. ეს მათი არჩევანია, მათი შექმნილია ეს პოლიტიკური კრიზისი, ჩვენ, როგორც პასუხისმგებლობის მქონე ოპოზიცია, უზრუნველვყოფთ აქციის არაძალადობრივ, მშვიდობიან ხასიათსა და ფორმას, ასე რომ, ხელისუფლებამ უნდა დაამტკიცოს, რომ ესმის შექმნილი მდგომარეობის სიმძიმე, თუ ამას არ გააკეთებს, ასევე 30-წლიანი ისტორია იძლევა პასუხს იმაზე, როგორ ამთავრებს ხელისუფლება, რომელიც ყვითელ ავტობუსებს იყენებს ფარად", - განაცხადა "ევროპული საქართველოს" ერთერთმა ლიდერმა, პარლამენტის ყოფილმა თავმჯდომარემ დავით ბაქრაძემ.

მისი თქმით, ხელისუფლების სიძლიერე არ არის ის, რაც ახლა ხდება, როცა დეპუტატები პარლამენტის შენობაში იპარებიან სხვადასხვა შესასვლელიდან:
"ამაზე დიდი სისუსტე არ არსებობს, როცა ხელისუფლებას უწევს ხალხს დაემალოს, ამიტომ უმჯობესია, შეეშვან ამ ვითომ საქმიან კომენტარებს და მოუსმინონ ხალხის ხმას", - განაცხადა დავით ბაქრაძემ.