პარლამენტთან მიმდინარე მასშტაბურ აქციაზე შვილმოკლულმა მამამ მალხაზ მაჩალიკაშვილმა იქ შეკრებილებს მიმართა.

მისი თქმით, "ქართულმა ოცნებამ" ქართველ ხალხს კიდევ ერთხელ მოატყუა და თუ ისინი აქამდე "ნაციონალებით" ხალხს აშინებდნენ უკვე ყველამ ნახა, რომ რეალურად "ენმ" აშენებდა ქვეყანას.

"ესენი ყოველთვის იყენებდნენ სიტყვა „ნაციონალებს“. კი, აშინებდნენ ხალხს, მაგრამ იმის გააზრება არ ჰქონდათ, რომ „ნაციონალებმა“ ააშენეს ქვეყანა. კი, დაუშვეს შეცდომები, მაგრამ ამ ნაძირლებმა აშენებულიც დაანგრიეს. მათ მეტი დანაშაული ჩაიდინეს, სხვა თუ არაფერი, ბავშვი მოკლეს საწოლში, მძინარე. ტერორისტად მონათლეს, ეს არ მომხდარა არსად, არც „ნაციონალებში“და არც არსად. ამიტომ, „ქართული ოცნება“ ყველამ ერთად გზას უნდა გავუყენოთ. ჩვენ ამას შევძლებთ, დარწმუნებული ვარ. აცხადებენ, ვითომ „ნაციონალები“ მოვლენ, ვითომ „ნაციონალები“ მოვლენ, ფარა მგლის შიშით არავის გაუწყვეტია. გამოჩნდა, ვინ იყვნენ „ნაციონალები“, ვინ არიან ესენი. მაგარო და საამაყო ხალხო, დღეს რომლებიც არ გამოდიხართ, ხართ დაშინებული, ნუ გეშინიათ. რისი გეშინიათ, წყალწაღებული „ქართული ოცნებისა“, რომელიც ხავს ეკიდება? გამოდით თბილისში, გამოდით რეგიონები, გამოდით საქართველო" - აღნიშნა მაჩალიკაშვილმა.