"ივანიშვილმა მიაჩინა თავი იმპერატორად და ქართველი ხალხი მონად, მაგრამ მან არ იცის, რომ ქართველ ხალხს აქვს ღირსება, რომელიც მას დაამარცხებს"

"ივანიშვილმა მიაჩინა თავი იმპერატორად და ქართველი ხალხი მონად, მაგრამ მან არ იცის, რომ ქართველ ხალხს აქვს ღირსება, რომელიც მას დაამარცხებს" - ბაჩუკი ქარდავა

პოლიტიკა - 20:00, 25 Nov, 2019

682

"ეროვნულ-დემოკრატიული პარტიის" თავმჯდომარე ბაჩუკი ქარდავას შეფასებით, ოპოზიციამ ხელისუფლებას ყველანაირი შეთავაზება გაუკეთა თუ როგორ დაეტოვებინათ მმართველობა, რომელიც "ქართულმა ოცნებამ" არ მიიღო.

ქარდავას თქმით, ოლიგარქი ყველაფერზე აწერს ხელს, რათა ძალაუფლება შეინარჩუნოს.

"მთელი ამ დროის განმავლობაში ჩვენ ვსაუბრობთ პროპორციულ სისტემაზე, მოდი მარტივად ვთქვათ რა გააკეთა ბიძინა ივანიშვილმა - ქართველ ხალხს უკიდურეს გაჭირვებაში ცხოვრება არ სურს, მას სურს ცვლილებები, ის რასაც ივანიშვილი დღეს ეუბნება ხალხს, რომ მე ვიქნები მუდმივად ხელისუფლებაში და თქვენი მდგომარეობა არ გაუმჯობესდება, ის ახდენს ძალაუფლების უზურპაციას, ხალხი ითხოვს წართმეული უფლებების დაბრუნებას -ეს არის პროპორციული სისტემა, რასაც ხალხი ითხოვს, ხელუსუფლების ცვლილებას არჩევნების გზით, ივანიშვილი კი ეუბნება მათ - არ წავალ არჩევნების გზით - მე არ ვიცი რა არჩევანი რჩება, ხელისუფლებამ თვითონ უნდა გააკეთოს, ხალხს არჩევანის არ აქვს, აქვთ თავისი ნება აირჩიოს ხელისუფალი რასაც ივანიშვილი ართმევს, მეორე - ესეთი უწესობა რაც ივანიშვილმა ჩაიდინა ერთი-ერთში ქართველი ქართველს არ პასუხობს, მან გადაადგო ხალხი, როგორ გგონიათ ქართველი ხალხი ამას მოითმენს? - არა, რა თქმა უნდა, ეს პროცესი უკვე დაწყებულია, შეუქცევადი პროცესია, საერთაშორისო თანამეგობრობა ახორციელებს ზეწოლას და ყველა შემთხვევაში ეს დასრულდება ლოგიკური დასასრულით და ეს იქნება ივანიშვილის წასვლა ხელისუფლებიდან, ახლა არჩევანი მასზეა როგორ მიდის არჩევნებით თუ ხალხს კიდევ გააღიზიანებს" - განაცხადა ბაჩუკი ქარდავამ.

კითხვაზე ელოდებიან თუ არა ოპოზიციის წარმომადგენლები ხელისუფლების მხრიდან აქციის დასაშლელად სპეცრაზმის გამოყენებას "ეროვნულ-დემოკრატიული პარტიის" ლიდერმა უპასუხა, რომ ბიძინა ივანიშვილის მხრიდან ყველაფერი მოსალოდნელია.

"მას შემდეგ რაც ჩვენ ვიხილეთ ივანიშვილის მხრიდან, როდესაც პოლიტპატიმრებით გაავსო ციხეები, ქართველი ახალგაზრდები, რომლებიც აპროტესტებდნენ ამ უწესობას და არჩევანის უფლების წართმევას და გაავსო ციხეები. ივანიშვილისგან ყველაფერს უნდა ველოდოთ, მაგრამ ერთი რამ მინდა ვუთხრა ქართველ ხალხს, გამოვიდეთ ყველა ქუჩაში, ივანიშვილმა მიაჩინა თავი იმპერატორად და ქართველი ხალხი მონად, მაგრამ მან არ იცის, რომ ქართველ ხალხს აქვს ღირსება ესენი არიან მოქალაქეები და ესენი ყოველთვის დაამარცხებენ ამ ადამიანს, რომელიც ცდილობს თავისი თავი ვაჭრობით გაიტანოს, ივანიშვილი აუცილებად წავა, ოპოზიციამ ყველანაირი გზა შესთავაზა მაგრამ მას არ სურს ასე, მას უნდა იყოს და იყოს სულ, ქართველი ხალხი ამას არ შეეგუება ახლა უნდა გადაწყვიტოს მშვიდად წავა თუ არჩევნებით" - აღნიშნა ქარდავამ.