"ლეიბორისტული პარტიის" ოფისში ოპოზიციური პარტიების ლიდერების შეხვედრა დასრულდა. ხელისუფლების ოპონენტებმა 25 ნოემბერს დაგეგმილ აქციაზე ისაუბრეს და არჩევნებთან დაკავშირებით ე.წ. გერმანული მოდელზე შეთანხმდნენ.

შეხვედრის დასრულების შემდეგ „ევროპული საქართველოს“ ერთ-ერთმა ლიდერმა, დავით ბაქრაძემ განაცხადა, პარტიები შეთანხმდნენ იმაზე, რომ მშვიდობიანი პროტესტი გაგრძელდება იქამდე, ვიდრე ხელისუფლება თვალს არ გაახელს და კრიზისის განსამუხტად კონკრეტულ ნაბიჯებს არ გადადგმას.

„ხვალ, 19:00 საათზე შედგება შეკრება რესპუბლიკის მოედანზე, საიდანაც მშვიდობიანი მსვლელობით გადავინაცვლებთ პარლამენტთან. აქციის მონაწილეები მთელი ღამის განმავლობაში დარჩებიან პარლამენტთან და გაგრძელდება სამშაბათ დილიდანაც. ეს იქნება სრულიად მშვიდობიანი და არაძალადობრივი აქცია. გარდა ამისა, ჩატარდება მცირე აქციები სხვადასხვა დანიშნულების ადგილებზე, ლოკაციებზე. ეს იქნება გამოხატულება იმის, რომ ამ ქვეყანაში არეულობა მოიტანა ხელისუფლების ტყუილმა და სიმშვიდეს მოიტანს კრიზისიდან გამოსავლის მოძებნა და არა პოლიციის და სპეცრაზმის დახმარებით ოპოზიციის და ხალხის მოთხოვნების იგნორირება“, – განცხადა ბაქრაძემ ჟურნალისტებთან საუბრისას.

ცნობისთვის 25 ნოემბერს, 19:00 საათზე ოპოზიციური პარტიის ლიდერების ნაწილი რესპუბლიკის მოედანზე, მეორე ნაწილი რუსთაველის გამზირზე შეიკრიბება რესპუბლიკის მოედანზე შეკრებილები მსვლელობით პარლამენტის წინ მიმდინარე აქციას შეუერთდებიან.

აქციის დასრულების შემდეგ ისინი კვლავ პარლამენტის პიკეტირებას მოახდნენ .