გავრცელებულ ინფორმაციას, საოკუპაციო ხაზთან რუსული ჯავშანტექნიკის გააქტიურების შესახებ ევროკავშირის სადამკვირვებლო მისია ეხმაურება და აცხადებს, რომ მათ ასეთი მობილიზება არ დაუფიქსირებიათ.

„მედიაში გავრცელებულ ცნობებთან დაკავშირებით გაცნობებთ, რომ ევროკავშირის სადამკვირვებლო მისიას სამხრეთ ოსეთთან არ დაუფიქსირებია, არც ინფორმაცია მიუღია რუსული სამხედრო ტექნიკის ან პერსონალის მობილიზების შესახებ. აღნიშნულ ცნობებთან დაკავშირებით არ მომხდარა არც ცხელი ხაზის გააქტიურება“, – აცხადებენ ევროკავშირის სადამკვირვებლო მისიაში.