„არჩილ, ჩამოდი და იჭყუმპალავე“ - სამოქალაქო აქტივისტებმა პარლამენტთან აუზი მიიტანეს

პოლიტიკა - 12:00, 23 Nov, 2019

1393

სამოქალაქო აქტივისტებმა პარლამენტთან აუზი მიიტანეს და კომოს ტბა არჩილ თალაკვაძეს რუსთაველის გამზირზე მოუწყვეს: „ჩამოდი და იჭყუმპალავე ამ წყალში“ - აცხადებენ აქციის მონაწილეები.
მათი თქმით თალაკვაძემ კომოს ტბაზე დასვენება ვერ მოასწრო და მოუწოდეს სანაცვლოს აქ იბანაოს და გაირუჯოს.
„ხელოვნურად შევუქმენით ბატონ არჩილ თალაკვაძეს კომოს ტბა, რადგან ვერ მოასწრო დასვენება. ჩვენ მოძრაობა „შეცვალეს“ წევრები და არამხოლოდ ჩვენ, იქამდე გავაგრძელებთ პროცესს და იქამდე შევუქმნით დისკომფორტს ხელისუფლების წარმომადგენლებს, ვიდრე არ იქნება ჩვენი მოთხოვნა დაკმაყოფილებული,“ - განაცხადა მოძრაობა „შეცვალეს“ წევრმა.

პარლამენტის თავმდჯომარის სკანდალი გრძელდება - სოციალურ ქსელში არჩილ თალაკვაძის, კახი კალაძის და ანუკი არეშიძის თვითმფრინავის ბორტზე გადაღებულ ფოტოები ვრცელდება, სადაც ისინი იტალიაში, მილანში გაფრინდნენ.
პარლამენტის თავმჯდომარემ გუშინ დღის პირველ ნახევარში ტელევიზიები დეზინფორმაციის გავრცელებაში დაადანაშულა, რომ თითქოს ის იტალიაში, კომოს ტბაზე დასასვენებლად იმყოფებოდა. თალაკვაძის თქმით, ის ამ დროს პარლამენტში იყო და მუშაობდა.

მიუხედავად იმისა, რომ პარლამენტის თავმჯდომარე იტალიაში ვიზიტს უარყოფს. "ევროპული საქართველოს" წევრმა გიორგი კანდელაკმა გაავრცელა ინფორმაცია, რომ თალაკვაძე სტამბოლის რეისით მასთან და გიგი წერეთელთან ერთად ჩამოფრინდა.