მოსამართლემ აღნიშნული გადაწყვეტილებით არ დააკმაყოფილა სამართალდამცავი უწყების მოთხოვნა და ადმინისტრაციული სამართალწარმოება უსაფუძვლობის მოტივით შეწყვიტა.
მოძრაობა „შეცვალეს“ წევრს პილიციელის კანონიერი მოთხოვნისადმი დაუმორჩილებლობა ედებოდა ბრალად.
სამართალდამცავი უწყება მისთვის ადმინისტრაციული პატიმრობის შეფარდებას რამდენიმე არგუმენტით ითხოვდა. როგორც სასამართლო სხდომაზე სამართალდამცველებმა აღნიშნეს, მოძრაობა „შეცვალეს“ წევრი ტიტე გედენიძე არ აღიარებდა და არ ინანიებდა ჩადენილ ქმედებას.
„პოლიციის ქმედებები იყო ამაზრზენი. მე მაქვს გამოხატვის თავისუფლება, რომელიც შემიზღუდეს. არ მითხრეს, რატომ მაკავებდნენ და არანაირი განმარტება არ გაუკეთებიათ. მქონდა სპეციალური საშუალება, რომლითაც ვაპირებდი წარწერის წაშლას”, – განაცხადა ტიტე გედენიძემ.
ტიტე გედენიძე გუშინ, პარტია „ქართული ოცნების“ ოფისთან აქციის დროს დააკავეს.
მასალის გამოყენების პირობები






