"საქართველოს ოკპუირებულ ტერიტორიებზე ადამიანის უფლებების შელახვა, უკანონო ბორდერიზაცია და ვაჟა გაფრინდაშვილის საქმეზე - გიგი წერეთელი ევროპის სახალხო პარტიის კონგრესზე სიტყვით გამოვიდა

პოლიტიკა - 17:18, 21 Nov, 2019

924

ევროპის სახალხო პარტიის კონგრესზე ეუთოს საპარლამენტო ასამბლეის პრეზიდენტი და ევროპული საქართველოს ფრაქციის თავჯდომარე გიგი წერეთელი სიტყვით გამოვიდა. გიგი წერეთელმა თავის გამოსვლაში ყურადღება გაამახვილა საქართველოში მიმდინარე ბორდერიზაციაზე, ოკპუირებულ ტერიტორიებზე ადამიანის უფლებების შელახვის ფაქტებზე და კონკრეტულად ექიმი ვაჟა გაფრინდაშვილის საქმეზე. მისი განცხადებით ევროპის სახალხო პარტიას შეუძლია უპასუხოს ამ გამოწვევებს და გაუმკლავდეს დაბრკოლებებს.

“უკანონო ბორდერიზაცია საქართველოში იწვევს ფატალურ შედეგებს და ადამინის უფლებების უხეშ დარღვევებს. ბოლო ასეთი შემთხვევა შეეხება ცნობილ ქართველ ექიმს, ჩემს მეგობარ ვაჟა გაფრინდაშვილს, რომელიც დააპატიმრებულია ე.წ. „სამხრეთ ოსეთის“ საოკუპაციო რეჟიმის მიერ ძალადობრივად, არალეგიტიმური მიზეზებით, თითქოს მან გადაკვეთა ე.წ. საზღვარი. როგორც უდიდეს და ყველაზე გავლენიან ევროპულ პოლიტიკურ ოჯახს - „ევროპის სახალხო პარტიას“, რომელსაც გააჩნია საკვანძო გადაწყვეტილების მიღების ინსტრუმენტები და შესაძლებლობები, აკისრია უდიდესი პასუხისმგებლობა უპასუხოს არსებულ გამოწვევებს და უზრუნველყოს ჩვენი მოქალაქეების უკეთესი მომავალი.“ - გიგი წერეთელი