საქართველოს გენერალურ პროკურატურასთან ოპოზიციის წარმომადგენლებთან ერთად შვილმოკლული მამა მალხაზ მაჩალიკაშვილი იმყოფება, რომელმაც საგამოძიებო უწყების ჭიშკარზე ჯაჭვის შებმა სცადა, რასაც სამართალდამცავების მიერ ხელის შეშლა მოყვა.

მაჩალიკაშვილის თქმით, ის მხოლოდ მისი შვილის საქმის გამოძიებას და ხელისუფლების აღიარებას ითხოვს, რომ თემირლანი მოკლეს.

"მთელი ამ ხნის განმავლობაში ვცდილობ კორექტულად ვისაუბრო, მწყობრიდან არ გამოვიდე, პატივი გცეთ თქვენც და მთელ საქართველოს. თემირლანის ოჯახში მომხდარ ტერაქტს მოჰყვა ეს ყველაფერი. არ არის თემირლანი დამნაშავე, არ არის თემირლანი ეჭვმიტანილი. თვითონ სუს-ში, შსს-ში, პროკურატურაში, იმაზე საუბრობენ, რომ კი, არ იყო დამნაშავე, ჩავიდინეთ შეცდომა, მაგრამ ამ ყველაფრის მედიისა და ხალხის წინაშე აღიარება არ შეგვიძლია, ნაციონალები თავზე დაგვამხობენ ამ ხელისუფლებასო. შენი დედაც და იმათი დედაც, ჩემი რა ბრალია, ისინი თუ დაგამხობენ თავზე, მე გამეცით პასუხი, ნუ მწამლავთ" - აღნიშნა მაჩალიკაშვილმა.