ესტონეთის ყოფილი პრეზიდენტი ტომას ჰენდრიკ ილვესი ოკუპირებული ცხინვალის ე.წ. ხელისუფლებას მიმართავს და გატაცებული ქართველი ექიმის, ვაჟა გაფრინდაშვილის დაუყოვნებლივ გათავისუფლებას მოითხოვს.

„მოვუწოდებ დე ფაქტო ხელისუფლებას, დაუყოვნებლივ გაათავისუფლოს ექიმი გაფრინდაშვილი, რომელიც დადებულ ფიცს ასრულებს და ეხმარება იმ ადამიანებს, რომლებიც ცხოვრობენ ტერიტორიაზე, სადაც ადეკვატური სამედიცინო დახმარება ხელმისაწვდომი არ არის. გაათავისუფლეთ გაფრინდაშვილი“, - აღნიშნავს უცხოელი პოლიტიკოსი.