2020 წლის საპარლამენტო არჩევნების პროპოციული სისტემით ჩატარების კანონპროექტის ჩავარდნის შემდეგ, "ქართული ოცნებიდან" დემონსტრაციულად წასულმა დეპუტატებმა შესაძლოა, ფრაქცია შექმნან.

ამის შესახებ ჟურნალისტებს დეპუტატმა დიმიტრი ცქიტიშვილმა განუცხადა.

„ფრაქციის შექმნას არ გამოვრიცხავ, ამის საშუალება თუ იქნება, კარგია. ეს არაა ჩვენი ამოცანა, დღის წესრიგი და ჩემი პოზიციები მაქვს. თუ პოზიციები გუნდში ფიქსირდებოდა და ნაწილობრივ გარეთ გამოდიოდა, ახლა ეს ვალდებულება აღარ მაქვს და ჩემს სათქმელს საჯაროდ აუცილებლად ვიტყვი. ვფიქრობ, რომ პოლიტიკურ პროცესში ჩვენს ადგილს დავიმკვიდრებთ, რომელიც იქნება კრიტიკულიც და კონსტრუქციულიც" - აღნიშნა ცქიტიშვილმა.