საერთაშორისო რესპუბლიკური ინსტიტუტის (IRI) კვლევის მიხედვით, გამოკითხული მოსახლეობის 36%-მა არ იცის, ან არ აქვს პასუხი, რა არის მოქმედი ხელისუფლების მთავარი მიღწევა. 21% აცხადებს, რომ ხელისუფელბას არაფრისთვის მიუღწევია.

მოსახლეობის 13% მოქმედი ხელისუფლების მთავარ მიღწევად ჯანდაცვის რეფორმას ასახელებს, 4-4% ინფრასტრუქტურას, არაძალადობრიობას, განათლებასა და ევროკავშირის ქვეყნებთან უვიზო მიმოსვლას, 3-3% გზების გაუმჯობესებას, სიტყვის თავისუფლებასა და დემოკრატიას, 2-2% პენსიების გაზრდასა და სხვა მიზეზებს, 1-1% კი ვალების ჩამოწერასა და ენმ-ის წევრების პოლიტიკიდან გაშვებას.

კითხვაზე, რა არის ხელისუფლების ყველაზე დიდი ჩავარდნა, მოსახლეობის 12% დაპირებების არშესრულებას ასახელებს, 8% ლარის გაუფასურებას, 7% 20 ივნისის მოვლენებს, 6% ეკონომიკურ კრიზისს, 5% მცოცავ ოკუპაციას, 4-4% უმუშევრობას, სიღარიბესა და კოაბიტაციას, 3-3% ხალხზე არზრუნვას, ნდობის დაკარგვასა და ფასების ზრდას, 1-1% გავრილოვის ვიზიტს, რუსეთთან ურთიერთობების ვერდალაგებას, უსამართლობასა და საკადრო პოლიტიკას. 2% ამბობს, რომ მოქმედ ხელისუფლებას არსად ჰქონია ჩავარდნა, 7% სხვა მიზეზებს ასახელებს, ხოლო 28%-ს არ აქვს პასუხი.