ოკუპირებული სამხრეთ ოსეთის ე.წ „ სახელმწიფო უშიშროების“ სამსახურის ინფორმაციით, დაკავებული ექიმი ვაჟა გაფრინდაშვილი 2008 წლის აგვისტოს ომში მონაწილეობდა. ინფორმაციას sputnik-ossetia ავრცელებს.

განცხადებაში ნათქვამია, რომ ვაჟა გაფრინდაშვილი 9 ნოემბერს, სოფელ ორჭოსანთან. ე.წ. უშიშროების სამსახურის თქმით, ვაჟა გაფრინდაშვილი აქტიურ მონაწილეობას იღებდა 2008 წლის აგვისტოს ომში და სამხედრო-სამედიცინო სამსახურის თადარიგის კაპიტნის წოდება აქვს.

შეგახსენებთ, რომ ახალგორის რაიონში დაკავებულ ქართველ ექიმს ვაჟა გაფრინდაშვილს, 15 ნოემბერს, ახალგორის ე.წ. სასამართლომ ორთვიანი წინასწარი პატიმრობა შეუფარდა. გაცხადებული ინფორმაციით, ვაჟა გაფრინდაშვილი ოკუპირებულ ტერიტორიაზე პაციენტის სანახავად მიდიოდა.