"კვლავაც გავაკეთებთ იგივეს..." - პრემიერის პირველი კომენტარი მომიტინგეთა დარბევის შემდეგ

პოლიტიკა - 12:42, 19 Nov, 2019

1113

საქართველოს პრემიერ-მინისრმა აქციის დაშლის შემდეგ მედიასთან პირველი კომენტარი გააკეთა. მისი თქმით, სახელმწიფომ და პოლციამ მომიტინგეები კანონის სრული დაცვით დაშალა.

გიორგი გახარია პარლამენტის პიკეტირებას არაკანონიერს უწოდებს და პასუხისმგებლობას ისევ ოპოზიციას აკისრებს.

"ყველას გახსოვთ, რომ ეს გამოხატვის თავისუფლება გრძელდებოდა რამდენიმე დღის განმავლობაში, ყველანაირი პრობლემების გარეშე, მაგრამ მას შემდგომ რაც, რამდენიმე უპასუხისმგებლო პოლიტიკოსმა მოუწოდა მოქალაქეებს ქუჩების ბლოკირებისკენ, ბარიკადები იყო აღმართული. შემდეგ იყო ბლოკირებული პარლამენტის შენობა ღამის განმავლობაში. პარლამენტის ფუნქიონირება პირდაპირ დადგა კითხვისნიშნის ქვეშ. მთავარი სახელმწიფო უწყება რამდენიმე დღის განმავლობაში ვერ ფუნქციონირებდა, თავს დაესხნან ხალხის მიერ არჩეულ დეპუტატებს. რა თქმა უნდა ასეთ შემთხვევაში პოლიციამ და მთავრობამ მიიღო გადაწყვეტილება, რომლის სრული უფლებაც ჰქონდა. უკანონო აქციის, სახელმწიფო ინსტიტუტის უკანონო ბლოკირების შეწყვეტის შესახებ, რაც გააკეთა აბსოლუტურად კანონის ფარგლებში. ხაზგასმით ავღნიშნავ, უპასუხისმგებლო პოლიტიკოსების მსგავსი ქმედებების შემდგომ სახელმწიფო და პოლიცია იმოქმედებს სრულად კანონის ფარგლებში და კააკეთებს იგივეს"- თქვა გახარიამ.

კითხვახზე რატომ გახდა დარბევა აიცილებელი, როცა პარლამენტს შეეძლო გასვლით სხდომა მოეწვია, გახარიამ თქვა, რომ გადაკეტილი ქუჩები დისკომფორტს უქმნის მოსახლეობას.

"ცეცხლი და ბარიკადები თბილისის ქუჩებში ძალიან ბევ ჩვენს მოქალაქეს დისკომფორტს უქმნის. ეს არის აბსოლუტურად მიუღებელი. მეგობრებო, პოლიტიკური პროცესი პარლამენტში უნდა მიმდინარეობდეს, მედიაში, საარჩევნო ურნასთან, ან უნდა მიმდინარეობდეს კანონის ფარგლებში, გამოხატვის უფლების გათვალისწინებით. ამ ქვეყანაში გამოხატვის უფლება ყველასთვის თავისუფალია და არავინ არასად არ წავა სხდომის მოსაწყობად"- დასძინა გახარიამ.