პარლამენტის თავმჯდომარემ არჩილ თალაკვაძემ ბიუროს სხდომაზე ის ბოქლომი მიიტანა, რომელიც ოპოზიციის წარმომადგენლენმა პარლამენტის შესასვლელს გაუკეთეს.

თალაკვაძის თქმით, ოპოზიციას ის სამახსოვროდ გადასცემს, დაუბრუნებს გადაჭრილ ჯაჭვს.

"საპარლამენტო უმრავლესობის ნაწილმა პირდაპირ ეთერში ბოქლომები დაადეს პარლამენტის ჭიშკრებს. მე მინდა საზოგადოებას შევახსენო, ვინ არიან ეს ადამიანები. ეს არიან ის ადამიანები, ვინც თავის დროზე ბოქლომი დაადეს ადამიანის უფლებებს, ვინც ბოქლომი დაადეს მედიას, ბოქლომი დაადეს კერძო საკუთრებას, ბოქლომი დაადეს ინსტიტუტებს და ქვეყნის თავისუფლების იდეას და ამ ყველაფერს ისინი თარგმნიდნენ და მონოპოლიზებული მედიის საშუალებით საზოგადოებას არწმუნებდნენ, რომ ეს იყო თავისუფლება და დემოკრატია.

ისინი დღეს იგივეს ცდილობდნენ. ამიტომ, მე მინდა მათ სამახსოვროდ გადავცე და დავუბრუნო სიმბოლურად გაჭრილი ჯაჭვი და ბოქლომი, რომელიც მათ ღირებულებებს გამოხატავს. ეს ალბათ მათ უნდა შეინახონ, რათა ყოველთვის ახსოვდეთ, რომ ვეღარასოდეს, ისინი მოქალაქეთა უფლებებს, მედიას, სახელმწიფოს და პარლამენტს ბოქლომს ვერ დაადებენ" - აღნიშნა პარლამენტის თავმჯდომარემ.