პარლამენტთან ვითარება კვლავ დაძაბულია - „ევროპული საქართველოს“ ერთ-ერთი ლიდერის გიგი უგულავას თქმით, ის რაც დღეს რუსთაველის გამზირზე ხდება არის უგუნურება და პუტინიზმის გაფორმება.

„მსგავსი უგუნურება არ მინახავს. რამდენი ხანი უნდა იდგეს ეს ხალხი აქ? კანონის მიხედვით, როდესაც ადამიანების რაოდენობა მეტია, ვიდრე ტროტუარი იტევს, ავტომატურად კანონით მოვალეა ეს ძვირფასი ხალხი, გაიწიოს და დააყენოს აქ ადამიანები. პიკეტირება რადიკალური გაგრძელდება და თუ ვინმეს ჰგონია, რომ ის, რაც ახლა მოაწყვეს, იმის საპირწონე არის, რომ იმ ვიგინდარა თალაკვაძემ ჩაატაროს ბიუროს სხდომა, მაშინ ის იდიოტია და ქვეყნის მართვას უნდა ჩამოაშორო, რადგან ეს არის საერთაშორისო სირცხვილი. რაც გააკეთეს, არის პუტინიზმის გაფორმება, არჩევნების გაუქმება. პოლიციის ძალით მშვიდობიანი დემონსტრანტების გარღვევა არის პუტინიზმი და გამარჯობა პუტინის რუსეთში. პუტინის რუსეთში, რომელიც გააფორმა ივანიშვილმა. აი ეს ხდება დღეს და ძალიან გული მტკივა იმ პოლიციელების ნაცვლად, რადგან ესენი არიან ბრმა იარაღი ივანიშვილის პირადი ინტერესების" - აღნიშნა უგულავამ.