"ლანჩხუთის დეპუტატი ნინო წილოსანი კომფორტული ცხოვრების გადასარჩენად საკუთარი ქვეყნის განვითარების წინააღმდეგ მოქმედებს "

"ლანჩხუთის დეპუტატი ნინო წილოსანი კომფორტული ცხოვრების გადასარჩენად საკუთარი ქვეყნის განვითარების წინააღმდეგ მოქმედებს " - გივი ცინცაძე

პოლიტიკა - 00:55, 17 Nov, 2019

1922

"ერთიანი ნაციონალური" მოძრაობის ლანჩხუთის ორგანიზაციის აღმასრულებელი მდივანი, გივი ცინცაძე აცხადებს, რომ ლანჩხუთის დეპუტატი ნინო წილოსანი კომფორტული ცხოვრების გადასარჩენად საკუთარი ქვეყნის განვითარების წინააღმდეგ მოქმედებს და მას ივნისში სისხლიანი მოვლენების შემდეგ დაწერილს სტატუსს ახსნებს.

"ლანჩხუთს სამარცხვინო დეპუტატი ჰყავს, რომელსაც საკუთარი აზრი არ გააჩნია. კომფორტული ცხოვრების და ქვეყნის გადასარჩენად საკუთარი ქვეყნის განვითარების წინააღმდეგ მოქმედებს. დიახ მეგობრებო! - ნინო წილოსანმა ივნისის სისხლიანი მოვლენების შემდეგ და სვავის მიერ დაანონსებული პროპორციულ საარჩევნო სიატემაზე გადასვლასთან დაკავშირებით საკუთარ Facebook გვერდის სტატუსში განაცხადა:

"ყველა ადამიანს და პოლიტიკურ ჯგუფს ეძლევა საშუალება მონაწილეობა მიიღოს ქვეყნის მართვაში და საშუალება აქვს მოხვდეს პარლამენტში" - ამ სტატუსიდანაც კი ნათლად ჩანს, რომ მას საერთოდ წარმოდგენა არ აქვს რა მნიშვნელობის მატარებელია პროპორციული არჩევნების სისტემაზე გადასვლა და იგი მხოლოდ პარლამენტში მოხვედრის სურვილამდე და შესაძლებლობამდე დაჰყავს. წილოსანის განმარტებით თურმე გერმანია - იმის გამო, რომ პროპორციულ სისტემაზეა, მთავრობას ვერ აკომპლექტებს ხოლმე... და ჰოი საოცრებავ... ქვეყანა, რომელიც მთავრობას ვერ "აკომპლექტებს"- მოწინავეა ევროპის და მსოფლიო მასშტაბით ნათლად ჩანს ამ განცხადებიდან, რომ ნინო წილოსანი გაგნებაში არ არის სახელმწიფო მართვისა და მოწყობის შესახებ და მას სამშობლო მხოლოდ პარლამენტში მოსახვედრად სჭირდება, რათა მამამისი მოპარული მილიონობით და ხალხის ძარცვით მშვიდად გააგრძელოს ცხოვრება.

ამის პარალელურად კი მოსახლეობა გაჭირვებაში, უიმედობასა და ყოველდღიური წნეხის ქვეშ იმყოფება. ტელეკომპანია "მთავარის" ერთერთი სიუჟეტი კი სწორედ მედროვე დეპუტატი ქალის - ნინო წილოსანის მამის და ქმრის წინააღმდეგ აღძრულ 65 მილიონიან საქმეზეა საუბარი სადაც კალაძის მუქარა და იძულება ფიგურირებს საქმის განახლებასთან დაკავშირებით იმ შემთხვევაში, თუ პროპორციულ სისტემაზე გადასვლას მხარს დაუჭერდა. პირადად მე კი მრცხვენია ბიძინა ივანიშვილის "ყურმოჭრილი" მონა რომ ჰყავს ჩემს რაიონს პარლამენტში წარმომადგენლად, რომელიც დღედაღამ მისთვის ხოტბის შესხმით არის დაკავებული და კაცს, რომელმაც ქვეყანა 90-იანების საქართველოს დაამსგავსა და ჭაობად აქცია - ქვეყანაზე ზრუნვის და უანგარო ქველმოქმედის მაგალითს უწოდებს. არ არის გასაკვირი, რომ მელიასთვის მანდატის შეჩერებას მისცა ხმა, მისცა ხმა ქვეყნის განვითარების შეფერხებას... თუმცა მას, ისევე როგორც მთელს საქოცეთს ავიწყდება, რომ "დრონი მეფობენ და არა მეფენი". საქართველოში უნდა გათენდეს" - წერს ცინცაძე სოციალურ ქსელში.