"ხვალ ყველას აქციაა, ყველა პოლიტიკური პარტიის, ყველა სამოქალაქო ჯგუფის...ყველა პენსიონერის აქციაა, იმ 50 ათასი ბავშვის აქციაა ვინც მშიერი იძინებს, ხვალ საქართველოს აქციაა..."

"ხვალ ყველას აქციაა, ყველა პოლიტიკური პარტიის, ყველა სამოქალაქო ჯგუფის...ყველა პენსიონერის აქციაა, იმ 50 ათასი ბავშვის აქციაა ვინც მშიერი იძინებს, ხვალ საქართველოს აქციაა..." - ზურაბ მელიქიშვილი

პოლიტიკა - 23:40, 16 Nov, 2019

1361

ერთიანი ნაციონალური მოძრაობის ერთ-ერთი ლიდერი ზურაბ მელიქიშვილი, სოციალურ ქსელში ხვალინდელი მასშტაბური აქციის შესახებ წერს და აცხადებს, რომ რომ ხვალ ყველას, მთელი საქართველოს აქციაა.

"ვისი აქციაა ხვალ 17 ნოემბერს?

- ხვალ ყველას აქციაა!
ყველა პოლიტიკური პარტიის, ყველა სამოქალაქო ჯგუფის... ხვალ მაკო გომურის აქციაა, ხვალ გიორგი სულაშვილის აქციაა, ხვალ იმ ბიჭების აქციაა ვინც ოკუპაციის გაპროტესტებისთვის ციხეში ჩასვეს, ხვალ ყველა პენსიონერის აქციაა ვინც გამწარებული სიბერისთვის გაიმეტეს, ხვალ ყველა მასწავლებლის აქციაა ვინც თავისი პროფესიის სიყვარულისთვის და თავდადებისთვის მათხოვრული ცხოვრებისთვის გაიმეტეს, ხვალ იმ მილიონი ემიგრანტის აქციაა ვინც იძულებული გახადეს ოჯახს და სამშობლოს მოწყვეტილიყვნენ შვილების გადასარჩენად, ხვალ ყველა დევნილის აქციაა ვინც უყურადღებოდ, ბედის ანაბარაა მიტოვებული, ხვალ იმ 50 ათასი ბავშვის აქციაა ვინც ღამე მშიერი იძინებს, ჩუმად ისე რომ ვერავის ვერ თხოვენ საკვებს........
ხვალ საქართველოს აქციაა, ოღონდ მართალი საქართველოსი, რომელსაც ცდილობენ ღირსება წაართვან! ხვალ გამარჯვების აქციაა! ჩვენ ყველა ერთად გავიმარჯვებთ!" - წერს ზურაბ მელიქიშვილი სოციალურ ქსელში.