ყველა ერთად ერთის წინააღმდეგ - "ეროვნულ-დემოკრატიული" პარტიის ახლგაზრდული ორგანიზაციის წარმომადგენლებმა თავისუფლების მეტროსთან ბუკლეტები დაარიგეს და მოსახლეობას 17 ნოემბერს, აქციაზე მისვლისკენ მოუწოდეს.

პარტიის ახალგაზრდული ორგანიზაციის ლიდერმა, ნოდარ ინანეიშვილმა განაცხადა, რომ ივანიშვილს სურს, საქართველოს დამოუკიდებლობა რუსეთს ჩააბაროს.

"ჩვენ ახალგაზრდა ეროვნულ-დემოკრატები დღეს გადანაწილებულები ვართ სხვადასხვა ლოკაციაზე და მოვუწოდებთ საქართველოს თითოეულ მოქალაქეს, რომ ყველანი დავდგეთ ერთად, ერთის წინააღმდეგ. ოლიგარქი ივანიშვილი საზოგადოებას პარავს იმ მონაპოვარს, რომლიც გამოც ჩვენმა მამებმა სისხლი დაღვარეს. ბიძინა ივანიშვილს სურს, რომ საქართველოს დამოუკიდებლობა რუსეთს ჩააბაროს. მას თუ გონია, რომ ქართველი ერის შეურაცხყოფა ასე მარტივად შერჩება ძალიან სცდება. ყველანი, მიუხედავად ჩვენი შეხედულებებისა უნდა გავერთიადნეთ. ჩვენს ქვეყანას ყავს საერთო მტერი და ეს არის ბიძინა ივანიშვილი. როდესაც კანონი და სამართალი აღარ მოქმედებს რჩება ერთი გზა, ეს არის ხალხი და ეს არის ქუჩა. ამიტომ მოგიწოდებთ ხვალ, 17 ნოემბერს 15:00 საათზე ყველა დავდგეთ ერთად, ერთის წინააღმდგეს" - აცხადებს ინანეიშვილი.