მალხაზ მაჩალიკაშვილი შვილის, თემირლან მაჩალიკაშვილის მკვლელობის გამოძიებას ითხოვს და საზოგადოებას რუსთაველზე გამოსვლისკენ მოუწოდებს.

"კარგი იქნებოდა, რომ ასეთ ვითარებაში არ ვხვდებოდეთ ერთმანეთს, რომ ყოველთვის ამ ხელისუფლების არასტაბილურობა და არააადამიანურობა არ გვაერთიანებდეს. მაგრამ, სამწუხაროდ, ეს გვიწევს, რადგან ამ ქვეყანას ხელისუფლება არა ჰყავს. ეს ჩვენ ყველამ კარგად ვიცით.

ერთი რამ მინდა ყველამ იცოდეს და გულისტკივილი გამოვთქვა: მართალია, ზამთარი მოდის, ცივა, მაგრამ როგორც ახლა ვდგავართ, ასე ვდგავარ. უკვე მესამე ზამთარი მოდის და ჩემი თხოვნა იქნება, ნურავის ნუ შეეშინდება სიცივის ან ზამთრის"- აცხადებს მაჩალიკაშვილი.