"ივანიშვილმა დღევანდელი გადაწყვეტილებით არჩევნები გააუქმა, აქციებს არ დავასრულებთ სანამ ის ხელისუფლებას არ დატოვებს"

"ივანიშვილმა დღევანდელი გადაწყვეტილებით არჩევნები გააუქმა, აქციებს არ დავასრულებთ სანამ ის ხელისუფლებას არ დატოვებს" - ბაჩუკი ქარდავა

პოლიტიკა - 17:10, 14 Nov, 2019

935

ოპოზიციური სპექტრი სამოქმედო გეგმის შესამუშავებლად "ლეიბორისტული პარტიის" ოფისში შეიკრიბა. "ეროვნულ-დემოკრატიული პარტიის" ლიდერის ბაჩუკი ქარდავას შეფასებით, მმართველი გუნდი თავად ცდილობს ხალხი ქუჩაში გამოვიდეს.

მისივე თქმით, ქვეყანაში არჩევნები აუცილებლად უნდა ჩატარდეს, თუმცა ეს ყველაფერი ბიძინა ივანიშვილის პოლიტიკიდან გაძევების შემდეგ.

"მმართველი გუნდი ცდილობს ხალხი გამოვიდეს ქუჩაში. ხელისუფლება, რომელიც ცდილობს თავის თავზე მოირგოს და ხალხს წაართვას ძალაუფლება, ის ხალხის მიერ იქნება გაძევებული, ნებისმიერი ხერხებით. ჩემი და ჩემი პოლიტიკური ორგანიზაციის სახელით, შემიძლია გითხრათ, რომ დავიწყებთ საპროტესტო აქციებს და არ დავასრულებთ სანამ ბიძინა ივანიშვილი ხელისუფლებას არ დატოვებს, არჩევნებზე ფიქრიც კი ზედმეტია ამ შემთხვევაში, თუმცა აქ იმიტომ ვართ, რომ გვქონდეს შეჯერებული პოზიცია. ბიძინა ივანიშვილმა დღევანდელი გადაწყვეტილებით არჩევნები გააუქმა ამიტომ, დღევანდელიდან მოყოლებული ყველაფერი უნდა გავაკეთოთ, ყველა პოლიტიკური ხერხით, რომ ის პოლიტიკიდან წავიდეს. შეჯერებული პოზიცია არის მთავარი და იმედი მაქვს, რომ პოლიტიკურ პარტიებს არ ექნება ილუზია იმისა, რომ ივანიშვილის დამარცხება არჩევნებში შესაძლებელია თუ ასე ხელ-ფეხი გაეხსნება. არ გამოვრციხავ, რომ ივანიშვილი თავად ფიქრობდეს რიგგარეშე არჩევნებს თუმცა, არჩევნები აუცილებლად იქნება ოღონდ, ივანიშვილის გარეშე" - აღნიშნა ბაჩუკი ქარდავამ.