უმრავლესობიდან წასული თამარ ჩუგოშვილი ამბობს, რომ ვერ აუხსნიდა საერთაშორისო პარტნიორებს, რატომ ჩავარდა პროპორციული საარჩევნო სისტემა.

როგორც დეპუტატმა აღნიშნა, ის რამდენიმე თვის განმავლობაში ეუბნებოდა მათ, რომ საქართველოში შერეული საარჩევნო სისტემა გაუქმდებოდა:

"მე ამაზე პასუხისმგებლობას ვერ ავიღებ. მაქვს პასუხისმგებლობა აღებული ძალიან ბევრი ადამიანის წინაშე. თვეების განმავლობაში საზოგადოებას ვარწმუნებდით, რომ ეს გადაწყვეტილება იქნებოდა მიღებული. მაქვს ურთიერთობა ამ ქვეყნის უამრავ პარტნიორთან. თითოეულ მათგანს ვარწმუნებდი, რომ ეს გადაწყვეტილება იქნებოდა მიღებული. აქედან გამომდინარე, ვერ შევძლებ მათთვის ახსნას, ეს შედეგი რატომ არ დადგა. ვერ შევძლებ იმის ახსნას, რომ აი, მაჟორიტარები აბუნტდნენ"- განაცხადა ჩუგოშვილმა.