"ივანიშვილმა ხალხი მოატყუა, ვიწყებთ პარლამენტის ბლოკირებას" - ახალგაზრდები ფაქრთომასშტაბიანი აქციებით იმუქრებიან.

როგორც "სირცხვილიას" წარმომადგენლები აცხადებენ, ივანიშვილმა "ძალაუფლება მიიტაცა", რასაც ისინი არ დაუშვებენ.

ახალგაზრდები ამბობენ, პროტესტი იქნება მწვავე და ფართომასშტაბიანი.

ახალგაზრდები მიმართავენ გიორგი გახარიას, რომ თუ პოლიცია მათ წინააღმდგებობას გაუწევს, სიტუაცია კიდევ უფრო გამწვავდება.

როგორც აქციის ერთ-ერთმა ორგანიზატორმა, გიგა მაქარაშვილმა ჟურნალისტებს განუცხადა, არ მისცემენ დეპუტატების საშუალებას, რომ პარლამენტის შენობა დატოვონ.

„სამივე შესასვლელის დაკავებას ვიწყებ. რაც შეიძლება სწრაფად ქუდზე კაცი უნდა მოვიდეს. ახლა აღარ არის დალოდების დრო. ვიწყებთ ამ წუთიდან სამივე შესასვლელი ჩაკეტვას, რადგან ეს მოღალატეები აღარ გამოვუშვათ შენობიდან. თუ შსს-მ იკადრა და ჩვენი ხელოვნურად გაწევა დაიწყო, ეს კიდევ უფრო აწევს ტემპერატურას. თქვენ დღეს ძალიან დიდი შეცდომა დაუშით, გამოუსწორებელი, რომელსაც საქართველოს მოსახლეობა არ გაპატიებთ“, – აღნიშნა გიგა მაქარაშვილმა.

პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო.