"დიმიტრი ხუნდაძე არის ჩემი ფავორიტი მებრძოლი... ჩემი ოჯახის ექიმი ერთად ვსწავლობდით საუბარს..." - ივანიშვილის "აჯანყებულ" მეგობარ მაჟორიტარზე

პოლიტიკა - 23:43, 13 Nov, 2019

1723

რა ბედი ელის პროპორციულ საარჩევნო სისტემას, ჯერ კვლავაც უცნობია.
როგორ "ნიუპოსტი" წერდა, ჩვენი წყაროს ცნობით, ივანიშვილმა მკვეთრად დავარდნილი რეიტინგის შემდეგ ბრძანება გასცა, მისი მაჟორიტარების დახმარებით პროპორციულ საარჩევნო სისტემაზე გადასვლის კანონპროექტი ჩავარდეს. ივანიშვილი რომელიც ძალაუფლების შენარჩუნების გზებს ეძებს, წყარის ცნობით ამ გეგმას გადარჩენის გზად განიხილავდა. სამშაბთას საპარლამენტო მოსმენაზე, ყველასათვის მოულოდნელად ოცნების მაჟორიტარებმა იმ კანონპროექტის ეინააღმდეგ დაიწყეს გამოსვლა, რომლის ინიცირებასაც ხელი თავად მოაწერეს. ერთ ერთი მათგანი დიმიტრი ხუნდაძეა, რომელიც პარლამენტის ტრიბუნიდან ამტკიცებდა რომ ის ივანიშვილის ნებას დაუპირისპირდა და გადაწყვიტა ინიციატივის წინააღმდეგ წავიდეს.
ვინ არის დიმიტრი ხუნდაძე და რამდენად დამაჯერებელია მისი და ივანიშვილის "მწვავე" დაპირისპირება იმ საკითხზე, რამაც შედაძლოა ივანიშვილის ხელისუფლებას განაჩენი დროზე ადრე გამოუტანოს

„დიმიტრი ხუნდაძე არის ჩემი ერთ-ერთი ფავორიტი მეომარი, რომელიც საოცრად არაორდინალურად ჩაერთო ჩვენს გუნდში. 2011 წელს, როდესაც პოლიტიკაში მოვედი, დიმიტრი ხუნდაძე გახლდათ ჩემი ოჯახის ექიმი, მას რჩევებს ვეკითხებოდი მცხეთაში, მთელი პროცესის განმავლობაში და ის სულ მეხმარებოდა. შევთავაზე, ხომ არ წახვალ კანდიდატად-თქო და არაო მიპასუხა, პოლიტიკაზე არც მიფიქრიაო. ბოლოს, როგორც იქნა, დავითანხმეთ.
მე და დიმიტრი ერთად ვსწავლობდით საუბარს, მედიასთან ურთიერთობას, საზოგადოებასთან შეხვედრებს.. კამერების გვეშინოდა ორივეს თავდაპირველად და ერთმანეთს ვეხმარებოდით.. კამერას რომ დავინახავდი, შაქარი მიწევდა იმდენად მერიდებოდა.. აი, ეს გზა გაიარა დიმიტრი ხუნდაძემ და მე შემიძლია, საქებარი სიტყვები არ დავიშურო მისთვის" - ამბობდა ბიძინა ივანიშვილი 2016 წელს.