"კაცმა არ იცის ივანიშვილი ვისთან ვაჭრობს მუქარანარევი მოთხოვნებით... ვინმეს გჯერათ, რომ კოლექტიური ხუნდაძეები ამბოხდნენ?!"- ნიკა მელია

პოლიტიკა - 15:28, 13 Nov, 2019

841

"ნაციონალური მოძრაობის" ლიდერის, ნიკა მელიას ინფორმაციით, "ქართული ოცნების" 25 მაჟორიტარი არ უჭერს მხარს პროპორციულ სისტემაზე გადასვლას.
მელია დარწმუნებულია, რომ ამ პროცესების უკან ბიძინა ივანიშვილი დგას და სწორედ ოლიგარქი ვაჭრობს ამ თემით.
"გეკითხებით, კიდევ ვინმეს გჯერათ, რომ ეს 25 დეპუტატი ერთბაშად ამბოხდა?! იმის რომ კოლექტიური ხუნდაძეები ამბოხდნენ?! დავიჯერებდი რომ ასეთი 2-3 ადამიანი ყოფილიყო მაგრამ 25?
ბიძინა ივანიშვილმა როლები გაანაწილა საკუთარ რიგებში. ერთ ნაწილე ეუბნება, რომ მყარად დაიცვან პოზიცია, მეორეს კი შეიძლება არც კი ეუბნება არაფერს, რომ ბუნებრივად გამოჩნდს ეს დაპირისპირება.
ბიძინა ივანიშვილს ამ კანონპროექტის ჩაგდება უნდა. დარწმუნებული ვარ, რომ ის ვაჭრობს, თუ ვისთან ვაჭრობს, რომელ საერთაშორისო პარტნიორთან ვაჭრობს მუქარანარევი მოთხოვნებით კაცმა არ იცის.
ერთი რამ დანამდვილებით ვიცი, თუ ეს ინიციატივა ჩააგდო ბიძინა ივანიშვილმა და ამას არ მოჰყვება რეაგირება ყველა პოლიტიკოსის მხრიდან, მჯერა რომ ვიქნებით ადეკვატურები, მაშინ არავინ არ ისუაბროს ამ ქვეყნის ხვალინდელ მომავალზე, ღირსებაზე, შეურაცხყოფაზე. აგერ ყველას გავაყენებენ შეურაცხყოფას. ან გამოვალთ ქუჩაში და ბიძინა ივანიშვილის მარცხს მოვითხოვთ.