"მხარს არ ვუჭერ მაჟორიტარული სისტემის გაუქმებას და მზად ვარ ამის გამო დავტოვო უმრავლესობა"

"მხარს არ ვუჭერ მაჟორიტარული სისტემის გაუქმებას და მზად ვარ ამის გამო დავტოვო უმრავლესობა" - ირაკლი შიოლაშვილი

პოლიტიკა - 20:25, 12 Nov, 2019

1769

სიღნაღი-დედოფლისწყაროს მაჟორიტარი დეპუტატი ირაკლი შიოლაშვილი საკონსტიტუციო ცვლილებებს მაჟორიტარულ სისტემის გაუქმებას მხარს არ დაუჭერს.

მისი თქმით, ამის გამო შესაძლოა სადეპუტატო მანდატი დათმოს.

"მხარს არ ვუჭერ მაჟორიტარული სისტემის გაუქმებას, არის მეორე სახის კითხვაც – მაჟორიტარული სისტემის გაუქმება და მხოლოდ პროპორციულ სისტემაზე გადასვლა რამდენად იქნება გარანტი ქვეყნის სტაბილურობის? ბევრ ქვეყანაში პოლიტიკური კრიზისია, რაც არასტაბილურობაში გადადის. ვშიშობ, ჩვენს ქვეყანას არ შეექმნას არასტაბილურობის პრობლემა. მხარს არ დავუჭერ ამ გადაწყვეტილებას. პრინციპული ხაზია და მზად ვარ, ამ საკითხის სანაცვლოდ დავტოვო არა მხოლოდ უმრავლესობა, არამედ საკუთარი მანდატი. თუ ჩვენს მოსაზრებებს არ გაითვალისწინებენ და იქნება გარკვეული ზეწოლა, მზად ვართ, გადაწყვეტილება მანდატის დატოვებაზე მივიღოთ. პარლამენტმა პროპორციულ საარჩევნო სისტემაზე გადასვლის შესახებ საკონსტიტუციო ცვლილებების განხილვა პლენარულ სესიაზე დღეს დაიწყო. მიმდინარე სასესიო კვირის დღის წესრიგში ორი პროექტი იყო. ერთი მმართველი გუნდის, ხოლო მეორე ოპოზიციის მიერ მომზადებული. ოპოზიციის მიერ მომზადებული კანონპროექტით გათვალისწინებული იყო არჩევნების ჩატარება სამპროცენტიანი ბარიერის პირობებში, ასევე დაშვებული იყო საარჩევნო ბლოკებად გაერთიანება. უმრავლესობის მიერ მომზადებული ცვლილებები კი, 2020 საპარლამენტო არჩევნების პროპორციული სისტემით ჩატარებას ითვალისწინებს. კერძოდ, პროექტის თანახმად, პოლიტიკური პარტიის მიერ მიღებული მანდატების რაოდენობის დასადგენად, პარტიის მიერ მიღებული ხმების რაოდენობა 150-ზე გამრავლდება და არჩევნებში მონაწილე ყველა პოლიტიკური პარტიის მიერ მიღებული ხმების ჯამზე გაიყოფა. ცვლილებების მიხედვით, არჩევნები ნულოვანი, ე.წ. ბუნებრივი ბარიერის პირობებში ჩატარდება" - აღნიშნა შიოლაშვილმა.