"კითხვები მაქვს პროპორციულ სისტემაზე"- "ოცნების" დეპუტატები უკან იხევენ და უმრავლესობის სხდომის მოწვევას ითხოვენ (ვიდეო)

პოლიტიკა - 17:43, 12 Nov, 2019

943

დიმიტრი ხუნდაძე, რომელიც ხელს აწერდა პროპორციული სისტემაზე გადასვლას დღეს რადფიკალურად განსხვავებულ პოზიციას აფიქსირებს და ამბობს, რომ მას "კითხვები აქვს".

დეპუტატმა პარლამენტში სიტყვით ისარგებლა და თქვა, რომ მართალია, ის მაჟორიტარულ სისტემას ემხრობოდა, თუმცა უმრავლესობასთან გარკვეული კონსენსუსი არსებობდა.

დღეს კი მაჟორიტარმა დეპუტატმა თქვა, რომ "ამ კითხვებზე პასუხები არ აქვს" და "დარწმუნებული არ არის რამდენად წაადგება ეს სისტემა ქვეყანას".

ხუნდაძემ უმრავლესობის სხდომის მოწვევა და საკითხზე მსჯელობა მოითხოვა.
"ჩვენ მნიშვნელოვანი გადაწყვეტილების წინაშე ვდგავართ, დღეს უნდა გადავწყვიტოთ ბედი, თუ როგორი პოლიტიკური ცხოვრებით უნდა იცხოვროს ქვეყანამ. ეს არ არის კანონი, თუ ვინ შევა პარლამენტში და ვინ არა, ვინ იქნება დეპუტატი და ვინ არა. აქ დგას საკითხი თუ რა პოლიტიკური ცხოვრებით იცხოვრებს ჩვენი ქვეყანა. ჩვენ, მაჟორიტარებს გვქონდა კომპრომისული დამოკიდებულება გუნდთან შეთანხმებით და ამის გამო მხარს ვუჭერდი, რომ გადავსულიყავით პროპორციულ სისტემაზე და ეს გადაწყვეტილება მიგვეღო დღესვე. დღეის ვითარებიდან გამომდინარე, მე ამ კითხვებზე უფრო ნაკლებად მაქვს პასუხები და უფრო ნაკლებად ვარ დარწმუნებული, რომ ჩემი კომპრომისული გადაწყვეტილება მართებულია და მინიმუმ არ იქნება სახიფათო ჩვენი ქვეყნის სტაბილურობისთვის. ამიტომ მოვიწვიოთ უმრავლესობის სხდომა და იმ კითხვებზე პასუხები მოვისმინოთ, რაც მისაღები მაქვს მეც და ბევრ ჩემს კოლეგას. მხოლოდ ფრაქციების ფორმატში შეხვედრა არ იქნება საკმარისი. მე ვითხოვ უმრავლესობის სხდომის მოწვევას სრული მასშტაბით,“ - განაცხადა ხუნდაძემ.