ოლიგარქის და რაინდის ფარული შეხვედრა - ოპოზიციაში დარწმუნებულები არიან, რომ ივანიშვილი და ვასაძე დიდი ხანია თანამშრომლობენ კონკრეტულ საკითხებთან დაკავშირებით

პოლიტიკა - 14:47, 10 Nov, 2019

1355

ივანიშვილისა და ვასაძის ფარული შეხვედრა - ოპოზიციაში დარწმუნებულები არიან, რომ ბიძინა ივანიშვილი და ლევან ვასაძე უკვე დიდი ხანია თანამშრომლობენ კონკრეტულ საკითხებთან დაკავშირებით.

ოპოზიციაში ფიქრობენ, რომ ვასაძე ივანიშვილს რაღაცაზე გაუბრაზდა და ამ განცხადებით გადაწყვიტა რაღაც მიენიშნებინა ივანიშვილისთვის.
ოპოზიციციონერიპოლიტიკოსები აცხადებენ, რომ ივანიშვილისა და ვასაძის ინტერესები ამ ეტაპზე საქართველოსთან მიმართებაში ემთხვევა და ამიტომ ისინი თანამშრომლობას ამ განცხადების მიუხედავად მომავალშიც აქტიურად გააგრძელებენ.

"ისედაც ნათელია, რომ ეს აგრესიული ჯგუფები ამოფარებულები არიან საქართველოს ეკლესიას და ტრადიციებს დასინამდვილეში სხვა ფასეულობების მატარებლები არიან. უნდა განვიხილოთ პატრიოტთა ალიანსთან ერთად. ეს და ამგვარი ტიპის აგრესიული ჯგუფები ივანიშვილის რეჟიმის არაგაომკვეთილ, არაგაცხადებულ გაგრძელებად" - აცხადებს "ერთიანინაციონალური მოძრაობის" წევრი გიორგი ბარამიძე.

როგორც "ევროპული საქართველოს" ლიდერი გიგი უგულავა აცხადებს, ვასაძე ასრულებს პუტინისტური რუსეთის დავალებას და ივანიშვილს სჭირდება ასეთი არაპოპულარული მოლაპარაკეები, იმიტომ რომ ქართულ პოლიტიკაში რუსული ნარატივი ნელ-ნელა დამკვიდრდეს.

"ივანიშვილის ხელუფლებაში მოსვლიდან მისი პარტნიორი იყო ვასაძე, ივანიშვილა ყოველთვის იცოდა ვასაძის მსოფლმხედველობა . მეტიც, ვასაძეს სხვადასხვა დროს 600 000-მდე სახელმწიფო დახმარება აქვს მიღებული. ვასაძე დემოგრაფიული განვითარების საზოგადოების თავმჯდომარედაც დანიშნა ივანიშვილმა თავის დროზე. ვასაძე ასრულებს პუტინისტური რუსეთის დავალებას და ივანიშვილს სჭირდება ასეთი არაპოპულარული მოლაპარაკეები, იმიტომ რომ ქართულ პოლიტიკაში რუსული ნარატივი ნელ-ნელა დამკვიდრდეს" - აცხადებს "ევროპული საქართველოს" ლიდერი გიგი უგულავა.

რესპუბლიკური პარტიის ეროვნული კომიტეტის წევრი დავით ზურაბიშვილი მიიჩნევს, რომ ქსენოფობიური და ჰომოფობიური, სიძულვილის ჯგუფები რომ მთლიანად არიან ხელისუფლების კონტროლის ქვეშ და ასრულებენ მათ დაკვეთებს.

"ქსენოფობიური და ჰომოფობიური, სიძულვილის ჯგუფები რომ მთლიანად არიან ხელისუფლების კონტროლის ქვეშ და ასრულებენ მათ დაკვეთებს. ეს არ არის ახალი ამბავი საზოგადოებისთვის. ეტყობა ივანიშვილს არ ჰყავს მუდმივი მარიონეტები და ლევან ვასაძემ ამ შემთხვევაში შეიძლება თავი ჩათვალა გადაგდებულად. ვასაძეს ჰქონდა მოლოდინი, რომ ის მეტს მიიღებდა, თუმცა ივანიშვილის მართვის სტილში შედის ასეთი მიდგომები, რომ ერთი ასეთი ქსენოფობიური ჯგუფის ნაცვლად გამოიყვანოს მეორე" - აცხადებს დავით ზურაბიშვილი.