ივანიშვილისა და ვასაძის საიდუმლო შეხვედრები - უმრავლესობა ვასაძის სკანდალურ განცხადებას ეხმაურება

პოლიტიკა - 13:05, 10 Nov, 2019

1320

ივანიშვილისა და ვასაძის ფარული შეხვედრა - "ქართული ოცნების" ლიდერებს არ მოეწონათ ლევან ვასაძის განცხადება ბიძინა ივანიშვილთან ფარული მოლაპარაკების შესახებ. მმართველ გუნდში ამტკიცებდნენ, რომ მათ არ ჰქონდათ ინფორმაცია ამ შეხვედრასთანთან დაკავშირებით. "ოცნებაში" ისევ გაიშვირეს ხელი ოპოზიციისკენ და განაცხადეს, რომ ლევან ვასაძე ნაციონალურ მოძრაობასთან ერთად ცდილობს, რომ წამოიწყოს ერთგვარი კამპანია ბიძინა ივანიშვილის წინააღმდეგ.

ვასაძის განცხადებას, ვადამდელი საპარლამენტო არცევნების ჩატარების თაობაზე, ეს საკითხი მმართველი გუნდი ლიდერებმა არც კი განიხილეს.
"აბსურდულია, არანაირი ფარული გარიგება, "ქართულ ოცნებას" აქვს გარიგება ქართულ საზოგადოებასთან. რა კამპანიაა ორგანიზებული, როცა გამოდის ადამიანი და ამბობს, რომ ის შეხვდა ბიძინა ივანიშვილს. ის იყო პრემიერ მინისტრი, ის არის პარტიის თავმჯდომარე, არის საჯარო პირი და თუ შეხვდა მოქალაქეს, თუ შეხვდა ბიზნესმენს და მედიას ეს ყველაფერი არის საჯარო. რაც შეეხება ბატონ ვასაძესთან შეხვედრა, ამასთან დაკავშირებით არანაირი ინფორმაცია არ მაქვს" - აცხადებს თალაკვაძე.
გია ვოლსკი ამბობს, რომ ის უშვებს ივანიშვილსა და ვასაძეს შორის შეხვედრას, თუმცა მისი თქმით, კონსპირაციაზე და საიდუმლო სუბრებზე მინიშნება, ღირსეული ქმედება არა არის.
"ამას ვუშვებ, რომ შეხვედრა შედგა, თუმცა რაღაც კონსპირაციაზე და საიდუმლო სუბრებზე მინიშნება, მე ვფიქრობ არც ღირსეული არ არის და არც ისეთ რაღაცას შეიცავს რაც შეიძლება სკანდალური იყოს. თუ აკეთებ განცხადებას მაშინ ისუბრე ბოლომდე. ივანიშვილს არ ახასიათებს ისეთი განცხადებების, საუბრების ჩატარება, რომელიც უპირისპირდება იმ ინტერესს რაც ჩვენს ქვეყანას გააჩნია" - აცხადებს გია ვოლკსი.