მორიგი მსხვერპლი მოჰყვა ერაყში, საპროტესტო აქციის დროს სამართალდამცველებსა და მომიტინგეებს შორის მომხდარ შეტაკებას. ოფიციალური მონაცემებით, დაღუპულია 5 და დაშავებულია 140-ზე მეტი დემონსტრანტი

ერაყის უსაფრთხოების ძალების წარმომადგენლებმა საპროტესტო აქციების მონაწილეთა წინააღმდეგ, რომლებიც მნიშვნელოვანი ხიდებისა და ტაჰრირის მოედნის დაკავებას ცდილობდნენ, ცრემლსადენი გაზი და ხმოვანი ყუმბარები გამოიყენეს. დემონსტრანტებმა კი მათ ე.წ. „მოლოტოვის კოქტეილები“ და ხელნაკეთი ბომბები დაუშინეს.

1 ოქტომბრიდან დღემდე საპროტესტო აქციების მიმდინარეობისას 280 ადამიანი დაიღუპა.