"რუსეთის ჰიბრიდული ომის მთავარი მიზანია, საქართველოში ადამიანების გონების შეცვლა"

"რუსეთის ჰიბრიდული ომის მთავარი მიზანია, საქართველოში ადამიანების გონების შეცვლა" - გიორგი ვაშაძე

პოლიტიკა - 17:26, 08 Nov, 2019

977

რუსეთის ჰიბრიდული ომის მთავარი მიზანია, საქართველოში ადამიანების გონების შეცვლა - ამის შესახებ "ახალი საქართველოს" ლიდერმა გიორგი ვაშაძემ "სტრატეგია აღამშენებლის" პრეზენტაციაზე განაცადა, რომლის მთავარი თემა იყო რუსული ჰიბრიდული ომი და საქართველოს ეროვნული უაფრთხოება.

გიორგი ვაშაძის თქმით, რუსეთი ამ მიზნით განხორციელების მიზნით, საქართველოში სხვადასხვა სახის პროპაგანდისტულ საშუალებებს იყენებს, მათ შორის მცირე პოლიტიკური და გაურკვეველი არასამთავრობო ჯგუფები, რომლებიც ასევე ხელშეწყობილია ქართული ოცნები ხელისუფლების მხრიდან.
გიორგი ვაშაძე კონკრეტულ მაგალითებს ასაკელებს, როგორიცაა რუსეთ-საქართველოს ომში საქართველოს დადანაშაულება, ლუგარის ლაბორატორიასთან დაკავშირებული პროპაგანდა, როცა "ფეიქნიუსები მეშვეობით წარმოაჩინეს, რომ თითქოს ვირუსები ვრცელდება ლაბორატორიიდან და საქართველო არის საცდელი პოლიგონი; თურქული საფრთხე აჭარაში, რითაც ძალიან ხშირად მანიპულირებენ, კიდევ უფრო უარესი, რომ რუსეთი კი არის ოკუპანტი, მაგრამ თურქეთი უფრო ოკუპანტია... ამერიკის ბაზების განთავსების საკთხზე შიშების დანერგვა და ანაკლიის პორტის თემა, რომელიც ასევე ძალიან მნიშველოვანია" - აღნიშნა გიორგი ვაშაძემ.
ვაშაძემ რუსული პროპაგანდის იარაღს უწოდებ რუსეთში მოღვაწე ქართველებს, რომლებიც ანტიდასავლური პროპაგანდით გამოირჩევიან.
"ძალიან დიდი საფრთხე გვაქვს ეთნიკურად ქართველების მხრიდან, რომლებიც რუსეთის ფედარაციაში მოღვაწეობენ და ანტიდასავლურ განცხადებებს აკეთებენ. ბოლო იყო ხომერიკის და თიკა კანდელაკის განცხადება. მათ შორის გაბედავები, იგორ გიორგიაძე, რომელიც ნომერ პირველი აგენტია რუსეთის, სოსო პავლიაშვილის გამოყენება, აჩი ფურცელაძე, ხუბუტია და ა.შ, კიდევ ერთი დიდი პრობლემა არის ხელისუფლების მხრიდან მედიების დაფინანსება, რომლებიც ანტიდასავლურ განწყობებს აღვივებენ, მათ კონტრაქტი აქვთ და იღებენ დაფინანსებას, ავრცელებნ ანტიქართულ და სახელმწიფო ინტერესების საწინააღმდგეო განცხადებებს" - განაცხადა გიორგი ვაშაძემ.
მანვე აღნიშნა, რომ ამ ვითარებაში, საქართველოს ხელისუფლება არაფერს აკეთებს საფრთხეების თავიდან ასაცილებლად.