დღეს თბილისის დროით 21:55 საათზე გაიმართება ევროპა ლიგის მატჩი ლაციოსა და სელტიკს შორის. იტალიაში კი შოტლანდიელი გულშემატკივრები ჩავიდნენ, რათა საყვარელ გუნდს უქომაგონ, თუმცა სელტიკის ორი ფანისთვის ვიზიტი სავალალო აღმოჩნდა.

იტალიელ და შოტლანდიელ გულშემატკივრებს შორის დაპირისპირება ერთ-ერთ პაბთან მოხდა, რა დროსაც სტუმრები დაშავდნენ და ისინი საავადმყოფოში გადაიყვანეს.

სელტიკი გულშემატკივრებს რეკომენდაციას აძლევეს, რომ ქუჩაში არ იარონ მათი საყვარელი კლუბის ფერებში და მიყვნენ პოლიციის მითითებებს.

კლუბის ფანებს შორის დაპირისპირება 2019 წლის 24 ოქტომბერს გლასგოში დაიწყო, როდესაც ერთმანეთს უკანონო შეძახილებით მიმართავდნენ. აკრძალული ქმედებების გამო უეფამ ორივე გუნდი დააჯარიმა.